މުޙައްމަދު ފަޒީން
ރައީސް ނަޝީދުގެ ވެރިކަން ވެއްޓުނު ފަހުން ފުރަތަމަ ފަހަރަށް ރައީސް މައުމޫނު މިރޭ މާލެ ވަޑައިގަންނަވާނެއެވެ. ރައީސް މައުމޫނު މިރޭ ނުވަ ގަޑި ބައިގައި މާލެ ވަޑައިގަންނަވާނެކަން އެމަނިކުފާނު ނިސްބަތްވަޑައިގަންނަވާ ޕީ.ޕީ.އެމް. އިން ވެސް ވަނީ ކަށަވަރުކޮށްދީފައެވެ. ރައީސް މައުމޫނު ޖެނުއަރީ މަހުގެ ތޭވީސް ވަނަ ދުވަހު ރާއްޖެއިން ބޭރަށް ފުރާވަޑައިގެން ހުންނެވީ މެލޭޝިއާގައި ބޭސްފަރުވާ ކުރެއްވުމަށްކަމަށް މައުލޫމާތު ލިބެއެވެ. ރައީސް މައުމޫނު މިރޭ މާލެ ވަޑައިގަންނަވާއިރު ކޮންމެ ރެއަކުހެން މާލޭގެ މަގުތަކުގައި އެމް.ޑީ.ޕީ.ގެ ސަޕޯޓަރުން ދަނީ މުޒާހަރާ ކުރަމުންނެވެ.