ރައީސުލްޖުމްހޫރިއްޔާގެ ވަޢުދުފުޅާ އެއްގޮތަށް، އާސަންދަ ސްކީމް މެދުވެރިކޮށް ތައިލެންޑާއި ޔުނައިޓެޑް އަރަބް އެމިރޭޓްސް (ޔޫއޭއީ) އިން ބޭސްފަރުވާގެ ޚިދުމަތް ދޭން ފަށައިފިއެވެ. މި މަޢުލޫމާތު ހާމަކޮށްފައިވަނީ އާސަންދަ ކުންފުނިންނެވެ.އާސަންދައިން މަޢުލޫމާތު ދެއްވިގޮތުގައި، މި ޚިދުމަތް ފޯރުކޮށްދޭނީ އަބޫދާބީގެ ބުރްޖީލް މެޑިކަލް ސިޓީ، ބެންކޮކްގެ ވޯލްޑް މެޑިކަލް ހޮސްޕިޓަލް އަދި ބެންކޮކް ހޮސްޕިޓަލުންނެވެ. މި ޚިދުމަތުގައި އިސްކަންދޭނެ ދެ ބައެއް ވެއެވެ. އެއީ ކިޑްނީ ޓްރާންސްޕްލާންޓަށް ބޭނުންވާ ބަލިމީހުންނާއި، ރާއްޖެ، އިންޑިއާ ނުވަތަ ސްރީލަންކާއިން ފަރުވާ ނުލިބި ތިބި ބަލިމީހުންނެވެ.އާސަންދަ ސްކީމަށް އެދުމުގެ ފުރުޞަތު މިހާރު ވަނީ ހުޅުވާލާފައެވެ. މި ގޮތުން އޮންލައިންކޮށާއި، ވިރަ ކައުންޓަރުތަކުންނާއި އަދި އާސަންދަ ފްރަންޓް އޮފީހުން އެދެވޭނެއެވެ. އަދި ކުރިއަށް އޮތްތަނުގައި އިތުރު ބައިތަކަށް މި ޚިދުމަތް ފުޅާކުރާނެ ކަމަށް އާސަންދައިން ބުނެފައިވެއެވެ.މި އައު ޚިދުމަތާއެކު، ރާއްޖޭގެ ރައްޔިތުންނަށް ބޭރު ޤައުމުތަކުން ފެންވަރު ރަނގަޅު ބޭސްފަރުވާ ލިބުމުގެ ފުރުޞަތު އިތުރުވެގެންދާނެ ކަމަށް ބެލެވެއެވެ. ޚާއްޞަކޮށް ކިޑްނީ ޓްރާންސްޕްލާންޓަށް ބޭނުންވާ ފަރާތްތަކަށް މިއީ ވަރަށް މުހިންމު ކުރިއެރުމެކެވެ.