އުރީދޫ މޯލްޑިވްސް އިން އެޕަލް ވޮޗާއި ސެމްސަންގް ގެލެކްސީ ވޮޗަށް ތައާރަފްކުރި އީސިމް ހިދުމަތާ އެކު، ފޯނާއި ނުލާ ރައްކާތެރިކަމާ އެކު ކޮންމެ ތަނެއްގައި ހުރެގެން ވެސް ސީދާ ގަޑިން ފޯނުކޮށް މެސެޖުކުރެވޭ ގޮތަށް ވަނީ މަގުފަހިވެފަ އެވެ.
އަތުކުރީގައި އޮންނަ ގަޑިއާ އެކު ހެނދުނު ދުވުމަށް ނުކުތް ނަމަވެސް ނުވަތަ ބިޒީ މަސައްކަތުގެ ދުވަހެއްގެ މެދުތެރޭގައި ވިޔަސް، މިހާރު ކޯލްކޮށް، ރިސީވްކޮށް، މެސެޖް ފޮނުވުމާއި، މިއުޒިކް ސްޓްރީމްކޮށް އަދި އެޕްލިކޭޝަންތައް ބޭނުން ކުރެވޭނެ އެވެ. މުޅިން މިނިވަންކަމާ އެކު އެވެ. އުރީދޫ ނެޓްވޯކާ ކޮންމެ ވަގުތަކު، ކޮންމެ ތަނެއްގައި ވެސް ގުޅިފައިވާކަން ޔަގީންކޮށްދެ އެވެ.
ސްމާޓްވޮޗަށް އީސިމް އެކްޓިވޭޓް ކުރުމަކީ އަވަސް އަދި ފަސޭހަ ކަމެކެވެ. ފިޒިކަލް ސިމް ކާޑެއް ނުވަތަ އެއްވެސް އިތުރު އެޕްލިކޭޝަނެއް މިކަމަކަށް ބޭނުމެއް ނުވެ އެވެ. އެޕަލް ވޮޗު ނުވަތަ ސެމްސަންގް ގެލެކްސީ ވޮޗު ފޯނާ ގުޅާލައި ސްކްރީނުގައިވާ އިރުޝާދުތަކާ އެއްގޮތަށް އަމަލުކޮށް، އީސިމް ގަޑިއަށް އެކްޓިވޭޓް ކޮށްލާށެވެ. މި ހިދުމަތަކީ ހަމައެކަނި އުރީދޫ ނެޓްވޯކްގައި ފޯރުކޮށްދޭ ހިދުމަތެކެވެ.
އުރީދޫގެ ސްމާޓްވޮޗު އީސިމްއާ އެކު ދިރިއުޅުމުގެ ވައްޓަފާޅި އިތުރަށް ފަސޭހަވެ، ކޮންމެ ވަގުތަކު ވެސް އަދި ކޮންމެ ތަނެއްގައި ވެސް ގުޅުމުގެ މިނިވަންކަން ތަޖުރިބާ ކުރާށެވެ.