ވެލާނާ އިންޓަނޭޝަނަލް އެއާޕޯޓް (ވީއައިއޭ)އިން މިއަދު ފޭރިގަތް ބޭންކް އޮފް މޯލްޑިވްސް (ބީއެމްއެލް)ގެ ފައިސާ ބްރިފްކޭހުގައި 100،000 ޑޮލަރަށް ވުރެ ގިނައިން ފައިސާ ހުރިކަން ކަށަވަރުވެއްޖެ އެވެ. 
އެނގުން މުހިންމު - މިހާރު ބާޒާރުގައި ޑޮލަރު ރޭޓް ހުރި ވަރަށް ބަލާއިރު އެއީ، ރުފިޔާއިން ނަމަ، 2 މިލިއަނަށް ވުރެ ގިނަ ރުފިޔާ އެވެ. 
ފޭރުމުގެ ހުލާސާ - މިއަދު ފަތިހު 4:45 އެހާއިރު މޫނު ނިވާކޮށްގެން ތިބި ބަޔަކު އެއާޕޯޓް ތެރެއިން ފައިސާ ބްރިފްކޭސް ފޭރިގެންފައި ވަނީ، ބާ ޓާމިނަލާއި އާ ޓާމިނަލް ގުޅުވައިދޭ ވޯކްވޭގެ ތެރެއިންނެވެ. ފުލުހުން ބުނެފައިވާ ގޮތުގައި: 
އެކަން ކުރީ މޫނު ނިވާކޮށްގެން ތިބި ބަޔަކު
ފައިސާ ގެންދާތީ ރިޒާވް ފުލުހުންގެ ސެކިއުރިޓީ ވެސް އެ މީހުންނާ އެކު އޭރު ތިބި
ތަފްސީލް - އިތުބާރު ހުރި މަސްދަރުތަކުން 'ދައުރު'އަށް ކަށަވަރުވެފައިވާ ގޮތުގައި ފައިސާ ބްރިފްކޭހުގައި ހުރީ ރާއްޖެއިން ބޭރަށް ފުރާ މީހުންނަށް ދޫކުރަން ބީއެމްއެލްއިން ގެންދިޔަ ޑޮލަރެވެ. އެގޮތުން: 
ބްރިފްކޭސް ތެރޭ ލައްކައަކަށް ވުރެ ގިނަ ޑޮލަރު ހުރިކަން ކަށަވަރުކުރެވޭ 
އެ ފޭރުން ހިންގި މީހުން ބްރިފްކޭސް ޖަހައިގަތީ ވަޅިން ބިރުދެއްކުމަށް ފަހު