ޑީއާރުޕީގެ ޒައީމް މައުމޫން އަބްދުލްގައްޔޫމް އެ ޕާޓީގެ ލީޑަރު އަހުމަދު ތަސްމީން އަލީ އަށް "ހޫނު" ސިޓީއެއް މިއަދު ފޮނުއްވައިފި އެވެ.
އެނގިފައިވާ ގޮތުގައި ސިޓީގައި މައުމޫން ވަނީ ޕާޓީގެ އެތެރޭގެ މައްސަލަތައް ހައްލުކުރެއްވުމަށް ތަސްމީން މަސައްކަތް ނުކުރައްވާ ކަމަށް ވިދާޅުވެ ވަރަށް ބޮޑަށް ފާޑުވިދާޅުވެފަ އެވެ. އަދި މިހާތަނަށް ތަސްމީނަށް ފޮނުއްވި އެސްއެމްއެސްތަކާއި އެ އެސްއެމްއެސްތަކަށް ތަސްމީން ދެއްވި ޖަވާބުގެ ވާހަކަތައް ވެސް ލިޔުއްވައިފަ އެވެ.
މި ސިޓީގެ ކޮޕީތައް ވަނީ ތަސްމީންގެ އިތުރުން، ކައުންސިލްގެ ހުރިހާ މެމްބަރުންނަށް ވެސް ފޮނުއްވާފަ އެވެ.
ތަސްމީން ކަންތައް ކުރައްވަނީ ވަރަށް ހުދުމުހުތާރުކޮށް ކަމަށް ވިދާޅުވެ މައުމޫންގެ އާއިލާގެ ފަރާތުން ވަނީ ބަޔާނެއް ވެސް ނެރެފަ އެވެ.