ހުޅުމާލެއިން ކަރަންޓު ކެނޑިއްޖެއެވެ.
މިއަދު 3 ޖަހާކަށްހާއިރު ކަރަންޓު ގޮސްފައިވަނީ ނެއިބަހޫޑް 1 އަދި ނެއިބަހޫޑް 2ގެ ބައެއް ހިސާބުތަކުންނެވެ. ގަޑިއިރަކަށްވުރެ ގިނަ އިރު ވަންދެން ކަރަންޓު ކެނޑުމަށްފަހު އަލުން ކަރަންޓު ލިބިފައިވަނީ 4 ޖަހައި ބޮޑުވި ފަހުންނެވެ.
ކަރަންޓު ކެނޑާލާފައިމިވަނީ ކުރިން އެނގުމަކާ ނުލައެވެ. މިކަމުގެ ސަބަބުން ހުޅުމާލޭގެ ރައްޔިތުންނަށް ވަނީ އެތައް ދަތިތަކަކާ ކުރިމަތިލާން ޖެހިފައެވެ.
ހުޅުމާލެއިން ކަރަންޓު ކެނޑުމަކީ މިހާރު އާންމުވެފައިވާ ކަމެކެވެ. މީގެކުރިންވެސް އެތައް ފަހަރަކު ހުޅުމާލެެއިން ކަރަންޓު ކެނޑިފައިވެއެވެ.
ސްޓެލްކޯގެ އޮފިޝަލަކު ކުރިން ވިދާޅުވެފައިވަނީ ހުޅުމާލެއިން ކަރަންޓު ކެނޑެނީ ހުޅުމާލޭގައި ކަރަންޓު ދިނުމަށް ބޭނުންކުރާ ޖެނަރޭޓަރުތަކުގެ ތެރެއިން އެއް ޖެނަރޭޓަރުގައި މައްސަލަ ޖެހިފައިވާތީ ކަމަށެވެ.