ވެމްކޯގެ ޑެޕިއުޓީ މެނޭޖިން ޑިރެކްޓަރުގެ މަގާމުގައި ހުންނެވި ޝަހީދު އިބްރާހީމް އެ މަގާމުން މިއަދު ވަކިކޮށްފި އެވެ.ވެމްކޯއިން ބުނީ، އޭނާ މަގާމުން ވަކިކުރުމަކީ ސަރުކާރުގެ ނިންމުމެއް ކަމަށެވެ.ޝަހީދު މަގާމުން ވަކިކުރިކަން ކަށަވަރުވީ ނަމަވެސް އޭނާ މަގާމުން ވަކިކުރި ސަބަބެއް އަދި ސާފެއް ނުވެ އެވެ. އޭނާ ވެމްކޯގެ ޑީއެމްޑީކަމުން މި ވަކިކުރީ އެ ކުންފުނީގައި އަހަރެއް ވެސް ނުވަނީހެވެ. ޝަހީދު އެ މަގާމަށް އައްޔަނުކުރީ މި އަހަރުގެ އޭޕްރިލް ފަހުކޮޅެވެ.ޝަހީދު އިބްރާހީމް ކުރިން މަސައްކަތް ކުރެއްވީ އެމްއެންޑީއެފްގައެވެ. އޭގެ ފަހުން އޭނާ ވަނީ ޕީއެންސީގެ ސެނެޓުގެ ކައުންސިލް މެމްބަރެއްގެ މަގާމު އަދާކުރައްވާފައެވެ.