ޤުރްއާން ލިޔެފައިވާ އެއްޗެތި މީހުންނަށް ފެންނާނެ ގޮތަށް ގޭގައި ބެހެއްޓުމާއިމެދު ޢިލްމްވެރިންގެ މެދުގައި ވިސްނުން ތަފާތެވެ. އެއް ބައަކު ބުނަނީ ޤުރްޢާން ބާވައިލެއްވެވުނީ ލިޔެ ތަންތަނުގައި ބަހައްޓަން ނޫން ކަމަށާއި ކިޔަވައި ޢަމަލުކުރަން ކަމަށެވެ.  
އަނެއް ބައަކު މިބުނަނީ އަހުރެމެން ގޭގައި ބަހައްޓަނީ އަހުރެންވެސް ހަނދުމަކޮށް އަދި އެހެން މީހުންނަށް ހަނދާންކޮށްދީ އަދި އެއިގައިވާ އެއްޗެއް ކިޔެވުމަށް ކަމަށެވެ. އެމީހުންގެ ނިޔަތަކު މައްސަލައެއް ނެތެވެ. އެހެނީ އެމީހުން އެކުރާ ކަމަކީ ޤުރްއާނާއިއެކު ދެމހުރުމާއި އަދި ޤުރްޢާން ޕްރޮމޯޓްކުރުންކަމަށްވާތީއެވެ. 
ދެން އޮތީ އެގޮތަށް ޤުރްއާން ބަހައްޓައިގެން ނުވާނެ ސަބަބެވެ. އެއީ ގޭތެރޭގެ ޒީނަތްތެރިކަމަށެވެ. ގޭތެރެ ޒީނަތްތެރިކުރުމުގެ ނިޔަތުގައި ޤުރްއާން ލިޔެ ބެހެއްޓުން އެއްވެސް ޢިލްމްވެރިއަކު ހުއްދައެއް ނުކުރައްވައެވެ. ސަބަބަކީ އެކަމަކީ ޤުރްއާނުން ޙާޞިލްކުރަންޖެހޭ މަޤްޞަދަކަށްނުވުމެވެ. 
- މުފްތީ މެންކްގެ ދަރުސަކުން  
ޝައިޚްގެ ބަސްފުޅުން އެނގެނީ ކިޔަން ނުއެނގޭހައި ކުދިކުދި އަކުރުން ލިޔެގެންނާއި ކިޔަން އުނދަގުވާ ގޮތަށް ޑިޒައިންކޮށްގެން ލިޔެފައި ހުންނަ ތަކެތި ފްރޭމްކޮށްފައިވެސް އަދި ފްރޭމް ނުކޮށްވެސް ބެހެއްޓުން ހުއްދަނޫން ކަމެވެ. ބެހެއްޓުން ހުއްދަވާނީ ފަސޭހައިން ކިޔައިލެވޭ ގޮތަށް ހުންނަ ލިޔުންކަމެވެ. ހަމަ އެއާއިއެކު ގޭތެރެ ޒީނަތްތެރިކުރުމުގެ ގޮތުން ބެހެއްޓުން ހުއްދަ ނޫން ކަމެވެ. ވަﷲ އަޢްލަމް