ރައީސް މުހައްމަދު މުއިއްޒު، ގްރޭޓާ މާލެ ފައިނޭންޝަލް ޑިސްޓްރިކްޓް ލިމިޓެޑްގެ ނަން 'މޯލްޑިވްސް އިކޮނޮމިކް ގޭޓްވޭ ޑިވެލޮޕްމަންޓް ލިމިޓެޑް'އަށް ބަދަލުކުރައްވައިފި އެވެ.
ވީ ކިހިނެއް؟ - ރައީސް އެކަން އިއުލާންކުރެއްވީ އިއްޔެ ޝާއިއުކުރެއްވި ގަރާރެއްގަ އެވެ.
އެނގުން މުހިންމު - ގްރޭޓާ މާލެ ފައިނޭންޝަލް ޑިސްޓްރިކްޓް ލިމިޓެޑަކީ ރާއްޖޭގެ މާލީ ދާއިރާ އާއި އިގްތިސާދު ކުރިއަރުވައި، ސަރުކާރުގެ އިގްތިސޯދީ ސިޔާސަތުގެ ދަށުން ކުރަންޖެހޭ މަސައްކަތްތައް ކުރުމަށް 1 ޖޫން 2025ގައި އުފެއްދި، %100 ސަރުކާރު ހިއްސާވާ ކުންފުންޏެކެވެ.
ތަފްސީލު - އެ ކުންފުނީގެ ނަން ބަދަލުކުރަން ނިންމީ، އެ ކުންފުނީގެ ނަމާއި މަގްސަދުތަކަށް ބަދަލުގެނައުމަށް އެ ކުންފުނީގެ ބޯޑުން ނިންމުމާ ގުޅިގެންނެވެ.
އޭގެ ތެރެއިން އެއް ކަމަކީ 'ތިލަދުންމަތީ އުތުރުބުރީ އިހަވަންދިއްޕޮޅު' ތަރައްގީކުރުމާއި އެ މަޝްރޫއު ވިލަރެސްކޮށް، ތަންފީޒުކުރުމުގެ ހުރިހާ މަސައްކަތްތައް ނުހުއްޓި ކުރުމުގެ މަގްސަދު ހާސިލުކޮށް، އެ ލަނޑުދަނޑިތަކަށް ވާސިލްވާން ހާއްސަވެފައިވާ ކުންފުންޏެއްގެ ގޮތުގައި ހަރަކާތްތެރިވުމެވެ.
އޭގެ އިތުރުން ކުންފުނީގެ މަގްސަދުތަކުގެ ތެރޭގައި ހިމެނޭ ކަންތައްތަކަކީ:
ރާއްޖޭގެ އުފެއްދުންތެރިކަން އިތުރުކުރުން
ޑިޖިޓަލް ފައިނޭންޝަލް، ބޭންކިން، ރިއަލް އެސްޓޭޓުގެ ހިދުމަތްތަކާއި ފައިނޭންޝަލް ޓޫރިޒަމް ހިމެނޭ ގޮތަށް މާލީ ހިދުމަތްތަކުގެ ސިނާއަތް ކުރިއެރުވުން
ބައިނަލްއަގްވާމީ މާލީ ހިދުމަތްތަކުގެ މަރުކަޒަކަށް ރާއްޖެ ހެދުން