މާލޭގެ ހެންވޭރު ބުރެވި މަގުގައި ހުރި އިމާރާތެއްގެ ފަސްވަނަ ފަންގިފިލާގެ ކުޑަދޮރަކަށް އަރާއިން ކުޑަކުއްޖަކު ސަލާމަތްކޮށްފިއެވެ.
މި ކުޑަކުއްޖާ ފަސްވަނަ ފަންގިފިލާގެ ކުޑަދޮރު މައްޗަށް އަރާ ހުއްޓާ ގިނަ ބަޔަކަށް ފެނިފައިވެއެވެ. މިކަން ފެނުމާއެކު، އެ ސަރަހައްދުގައި ތިބި މީހުން ހަޅޭއްލަވަން ފެށުމުން، މަގުމައްޗަށް ގިނަ ބަޔަކު އެއްވެފައިވެއެވެ.
ހާދިސާ ހިނގަމުންދިޔައިރު، އެ ގޭތެރެއިން މީހަކު އައިސް ކުއްޖާ އެތަނުން ނަގައި ސަލާމަތްކުރިއެވެ. މި ހާދިސާއާ ގުޅިގެން ފުލުހުންވެސް އެ ސަރަހައްދުގައި ހަކަރާތްތެރިވެފައިވެއެވެ.
މި ހާދިސާއާ ގުޅޭ އިތުރު މައުލޫމާތު ފުލުހުން އަދި ހާމައެއް ނުކުރެއެވެ.