ތުހުމަތު ކުރެވޭ މީހާއަކީ މިތަނުން އެއް ކުއްޖެއްގެ ބައްޕަ ކަމަށް މައުލޫމާތު ލިބެ އެވެ.
އިތުބާރު ކުރެވޭ މަގާމެއްގައި ހުރެ، ކުޑަ ދެ އަންހެން ކުދިންނަށް ޖިންސީ ގޯނާ ކުރި ފިރިހެނަކު ފުލުހުން ހައްޔަރު ކޮށްފި އެވެ.
ފުލުހުން މިއަދު ބުނީ މި މައްސަލައަކީ އަކީ ރާއްޖޭގެ ދެކުނުގެ ރަށެއްގައި ރިޕޯޓް ކޮށްފައިވާ މައްސަލައެއް ކަމަށެވެ. މި ރީޖަންގައި ހިމެނެނީ ގއ. ގދ. ޏ. އަދި ސ. އަތޮޅެވެ. މި މައްސަލަ ފުލުހުންނަށް ރިޕޯޓް ކުރީ މިމަހުގެ ހަތަރުވަނަ ދުވަހު އެވެ.ފުލުހުން ބުނީ އިތުބާރު ހުރި މަގާމެއްގައި ހުރެ، އުމުރުން 11 އަދި 7 އަހަރުގެ އަންހެން ކުއްޖަކަށް ޖިންސީ ގޯނާކުރި ކަމަށް އެމީހާގެ މައްޗަށް ތުހުމަތު ކުރެވޭ ކަމަށެވެ. ތުހުމަތު ކުރެވޭ މީހާއަކީ މިތަނުން އެއް ކުއްޖެއްގެ ބައްޕަ ކަމަށް މައުލޫމާތު ލިބެ އެވެ.މި މައްސަލައިގައި ރޭގެ ވަގުތެއްގައި ފުލުހުން ހައްޔަރު ކޮށްފައި ވަނީ އުމުރުން 56 އަހަރުގެ ދިވެހި ފިރިހެނެކެވެ. މައްސަލަ ތަހުގީގު ކުރަމުން އަންނަ ކަމަށް ފުލުހުން ބުންޏެވެ.ކުޑަކުދިންނަށް ޖިންސީ ގޯނާ ކުރާ މިފަދަ މައްސަލަތަކުގައި ހައްޔަރުކުރާ މީހުންގެ ވަނަވަރު އާންމު ނުކުރަނީ އަނިޔާ ލިބޭ ކުއްޖާގެ ވަނަވަރު ސިއްރުކޮށް، ކުޑަކުދިންގެ ކަރާމާތް ރައްކާތެރި ކުރުމަށެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ