ބްރިޖުގެ ކަރަންޓު ވިއުގަ ޤާއިމުކޮށްދޭނެ ފަރާތެއް ހޯދުމަށް ހައުސިންގ މިނިސްޓްރީން އިޢުލާނުކޮށްފިއެވެ.
އެ މިނިސްޓްރީން ކޮށްފައިވާ އިޢުލާނެއްގައި ބުނެފައިވަނީ ބުރިޖު މެދުވެރިކޮށް މާލެ، ހުޅުލެ އަދި ހުޅުމާލެ ކަރަންޓް ފޯރުކޮށްދޭ ނެޓްވޯކިންގ ވިއުގައެއް ގާއިމްކުރުމުގެ މަސައްކަތުގެ އިންފްރާސްޓްރަކްޗަރޤާއިމުކުރުމަށް ހަމަޖެހިފައިވަނީކޮންޓްރެކްޓަރފައިނޭންސްގެ އުސޫލުން ކަމަށެވެ.
ހައުސިންގ މިނިސްޓްރީން ބުނީ މި މަސައްކަތްކުރަންޝައުޤުވެރިވާ ކުންފުންޏަކީ މިފަދަ މަޝްރޫޢެއް ހިންގުމަށް ބޭނުންވާ މާލީޤާބިލުކަންހުރި ފަރާތަކަށް ވާންޖެހޭނެ ކަމަށާއި އެފަދަ ކުންފުންޏަކީ މީގެ ކުރިން، ހައިވޯލްޓޭޖް އިލެކްޓްރިކް ނެޓްވޯރކް އެޅުމާއި ސަބްސްޓޭޝަން ބެހެއްޓުމުގެމަސައްކަތް ކޮށްފައިވާ ފަރާތަކަށް ވާންޖެހޭނެ ކަމަށެވެ.
މަޝްރޫއަށް ބޭނުންވާފަންޑު ހޯދޭނެ ކަމުގެ ޤާބިލުކަންވެސް އެ ކުންފުނިން ޘާބިތުކޮށްދޭން ޖެހޭނެ ކަމަށާއި ޝައުގުވެރިވާ ފަރާތްތަކުން އެކްސްޕްރެޝަން އޮފްއިންޓަރެސްޓް ހުށަހަޅަން ޖެހެނީ އަންނަ މަހުގެ ތިން ވަނަ ދުވަހުގެމެންދުރުފަހު 1:00 ގެ ކުރިން ޕޯސްޓް ނުވަތަ އީމެއިލް މެދުވެރިކޮށް ކަމަށްވެސް ހައުސިންގ މިނިސްޓްރީގެ އިޢުލާނުގައިވެއެވެ.