ކިތަންމެ ނުރުހުނު ނަމަވެސް ގައުމު ނޮޅާ ލޭބޯއިރު، އެތަން ބަލަން ގާސިމް އިބްރާހިމާއި، ޖުމްހޫރީ ޕާޓީ މަޑުންތިބޭނެކަމަށް ދެކޭނީ ބޮޑެތި މޮޔައިންކަމަށް ޖުމްހޫރީ ޕާޓީގެ ނާއިބް ލީޑަރު އަމީން އިބްރާހިމް ވިދާޅުވެއްޖެއެވެ.
އަމީން މިހެން ވިދާޅުވީ ގާސިމް އިބްރާހިމް އިސްލާހަށް ކުރައްވާ މަސައްކަަތަށް ފުރައްސާރަކޮށް މަޖިލީސް މެންބަރު އަލީ މައުރޫފް ދެއްކެވި ވާހަކަތަކަށް ރައްދު ދެއްވަމުންނެވެ.
އަމީން އިބްރާހިމް ވިދާޅުވީ ޕީޕީއެމްއާއިއެކު ޖުމްހޫރީ ޕާޓީން ކޯލިޝަން ހަދާ، ރައްޔިތުންނަށް އާދޭސްކޮށްގެން ގާސިމް އިބްރާހިމް ރައީސް ޔާމީން ވެރިކަމަށް ގެނައީ، ރައްޔިތުންނަށް ހެޔޮވެރިކަމެއް ކޮށްދޭން ޔާމީން ވީވައުދާއި، ގާސިމް އިބްރާހިމް އަރިހުގައި ކުރި އާދޭހާ ހެދިކަމަށެވެ.
އަމީން ވިދާޅުވީ ކިތަންމެ ނުރުހުނު ނަމަވެސް ގައުމު ނޮޅާ ލޭބޯއިރު، އެތަން ބަލަން ގާސިމް އިބްރާހިމާއި، ޖުމްހޫރީ ޕާޓީ މަޑުންތިބޭނެކަމަށް ދެކޭނީ ބޮޑެތި މޮޔައިންކަމަށެވެ.