ދިވެހި ފަތުރުވެރިކަމުގެ ސިނާއަތުގެ އެއް ބާނީ އަދި ޔުނިވާސަލްގެ ވެރިޔާ، މުހައްމަދު އުމަރު މަނިކު (އެމްޔޫ މަނިކު) އަވަހާރަ ވެއްޖެ އެވެ.
އެމަނިކުފާނު އަވަހާރަވީ ސިންގަޕޫރުގެ މައުންޓް އެލިޒަބެތް ހޮސްޕިޓަލުގައި ފަރުވާ ދެމުން ދަނިކޮށެވެ. އެމްޔޫމަނިކް އާލާސްކަންފުޅާ އުޅުއްވާތާ ދުވަސްތަކެއް ވެފައިވާއިރު، ހޮސްޕިޓަލްގައި އެޑްމިޓްކޮށްފައިވަނީ މީގެ މަހެއްހާ ދުވަސްކުރިންނެވެ.
ރާއްޖޭގެ ފަތުރުވެރިކަމުގެ ސިނާއަތް 1972 ވަނަ އަހަރު ވޫޖޫދަށް އާއިރު، އެމްޔޫ މަނިކަކީ އެކަމުގައި އެންމެ އިސްކޮށް ހަރަކާތްތެރިވެ ވަޑައިގެންނެވި އެއްބޭފުޅާއެވެ. އެމްޔޫމަނިކަކީ ކުރިން ދައުލަތުގެ އިސް މަގާމްތަކެއް ފުރުއްވި ބޭފުޅެކެވެ. ނަމަވެސް އުމުރުގެ ބޮޑުބައި މިހާތަނަށް ހޭދަކުރެއްވީ އަމިއްލަ ވިޔަފާރީގައެވެ. އެންމެފަހުން އެމްޔޫމަނިކް އަދާކުރެއްވި ދައުލަތުގެ ވަޒީމާއަކީ އެމްއޭސީއެލްގެ ޗެއާމަންކަމުގެ މަގާމެވެ.
ރާއްޖޭގައި ޓޫރިޒަމް ފެއްޓެވުމަށްފަހު އެމްޔޫމަނިކް ވަނީ ޔުނިވަރސަލް ނަމުގައި ކުންފުންޏެއް ހަދައި ފަތުރުވެރިކަމުގެ ވިޔަފާރި ފުޅާކުރައްވާފައެވެ. އެގޮތުން ޔުނިވާސަލްއަކީ ރާއްޖޭގެ ޓޫރިޒަމް ސިނާއަތުގެ އެންމެ ބޮޑު ތިން ކުންފުނީގެ ތެރޭގައި ހިމެނޭ އެއް ކުންފުންޏެވެ. ފަތުރުވެރިކަމުގެ ސިނާއަތުގައި ޓޫރިސްޓް ރިސޯޓްތައް ތަރައްޤީކޮށް ހިންގުމުގެ އިތުރުން އެމްޔޫމަނިކްގެ މޭސްތިރިކަމުގެ ދަށުން ބައިނަލްއަޤްވާމީ ބޮޑެތި ބައެއް އެއާލައިންތައް ރާއްޖެ ގެނައުމުގައިވެސް އެމްޔޫމަނިކް ވަނީ އިސްދައުރެއް އަދާކުރައްވާފައެވެ.
އެމްޔޫމަނިކަކީ ވިޔަފާރީގެ އިތުރުން އިޖުތިމާއީ ދާއިރާއަށް ހިދުމަތްކުރެއްވުމުގައިވެސް ފާހަގަކޮށްލެވޭ ބޭފުޅެކެވެ. އެގޮތުން ޔުނިވާސަލް ފައުންޑޭޝަން ނަމުގައި ދިވެހި އާއިލާތަކުގެ ގިނަ އަދަދެއްގެ ކުދިންނަށް ރާއްޖެއާއި ރާއްޖެއިން ބޭރަށް ފޮނުވައިގެން ކިޔަވައިދެމުންދާކަން ފާހަގަކޮށްލެވެއެވެ.
މަޝްހޫރު ވިޔަފާރިވެރިޔާ އެމްޔޫ މަނިކު އަވަހާރަވެއްޖެ
އަރުޝީފަށް ނެގީ
އެންމެފަހުން އަޕްޑޭޓްކުރީ
އެންމެފަހުން އަޕްޑޭޓްކުރީ