ހައްޖާއި އުމްރާގެ މުގައްދަސް އަޅުކަން އަދާކުރުމަށް ސައުދީ އަރަބިއްޔާގެ މައްކާއަށް ޒިޔާރަތް ކުރާ ހުރިހާ ދިވެހި ރައްޔިތުންނަށް، މޯލްޑިވްސް ހައްޖު ކޯޕަރޭޝަނުން އެ ސިޓީގައި ގާއިމުކޮށްފައިވާ ކްލިނިކުން ހިދުމަތް ދޭން ފަށައިފި އެވެ.ދައުލަތުގެ ޓީވީ އަށް މައުލޫމާތު ދެއްވަމުން ހައްޖު ކޯޕަރޭޝަންގެ ޑެޕިއުޓީ މެނޭޖިން ޑިރެކްޓަރު އަލްއުސްތާޒް އަލީ ޝަރީފް ވިދާޅުވީ، މިކްލިނިކްގެ ހިދުމަތް މައްކާގައި ތިބޭ ކޮންމެ ދިވެއްސަކަށްވެސް ހައްޖު އުމްރާގެ ދުވަސްވަރު ލިބޭނެކަމަށެވެ."މިކްލިނިކަކީ ސަޢުދީގެ ހެލްތު މިނިސްޓްރީ ގަބޫލުކުރާ ސްޓޭންޑަޑްގެ ކްލިނިކެއް. މިކްލިނިކް ހިންގުމަށް ސައުދީގެ ނޭޝަނަލް ހޮސްޕިޓަލާއި ހައްޖު ކޯޕަރޭޝަނާ ދެމެދުގައި އޮންނަނީ އެއްބަސްވުމެއް ގާއިމުކޮށްފައި." ޑީއެމްޑީ ވިދާޅުވި އެވެ.ހައްޖު ކޯޕަރޭޝަނުން މައްކާގައި ގާއިމުކޮށްފައިވާ މި ކްލިނިކްގެ ހިދުމަތް ހުރިހާ ދިވެހިންނަށް ލިބުމަކީ، ހާއްސަކޮށް ހައްޖާއި އުމްރާގެ ބުރަ މަރުހަލާތަކުގައި ދިވެހިންނަށް ލިބޭނެ ވަރަށް ބޮޑު ހިތްހަމަޖެހުމެކެވެ.