ސޮނީ ޓީވީއިން އިއްޔެ ދައްކަންފެށި, ބޮލީވުޑްގެ އެކްޓަރު އަކްޝޭ ކުމާރުގެ ޝޯ, "ވީލް އޮފް ފޯޗޫން އިންޑިއާ" ހޯސްޓުކުރަން ލިބުނު ފުރުސަތަކީ ލިބުނު ވަރަށް ބޮޑު އުފަލެއް ކަމަށް އަކްޝޭ ބުނެފިއެވެ. ކޮންމެ ހަފްތާއެއްގެ ހޯމަ ދުވަހުން ފެށިގެން ހުކުރު ދުވަހުގެ ރެއާ ހަމައަށް ގެނެސްދޭ "ވީލް އޮފް ފޯޗޫން އިންޑިއާ" އަކީ 1975 ވަނަ އަހަރުން ފެށިގެން އެމެރިކާއިން ގެނެސްދެމުން އަންނަ އެ ޤައުމުގެ ޝޯއެއް ކަމަށްވާ "ވީލް އޮފް ފޯޗޫން" އަސްލަކަށް ބަލައިގެން ގެނެސްދޭ ޝޯއެކެވެ. އިންޑިއާއިން އެ ޝޯ ނަކަލުކޮށް އިންޑިއަން ވާޝަންއެއް ފެށިއިރު މިހާތަނަށް 40 ޤައުމަކުން ވަނީ އޭގެ ޝޯތައް ގެނެސްދީފައެވެ. އަކްޝޭ މީގެކުރިން ހުށަހަޅައިދިން ޓެލެވިޒަން ޝޯތަކުގެތެރޭ 2008 އިން 2011އަށް ގެނެސްދިން "ފިއަ ފެކްޓަ: ޚަތުރޯން ކޭ ކިލާޅީ" އަދި 2010ގައި ގެނެސްދިން "މާސްޓަ ޝެފް އިންޑިއާ" ހިމެނެއެވެ. އަކްޝޭގެ ކުރިއަށް އޮތް ފިލްމު "ބޫތު ބަންގްލާ"ގެ ޕޯސްޓަރެއް--ފޮޓޯ/ޓެލެގްރާފްއިންޑިއާ ޓީވީ ޝޯތަކަކީ އާއިލާތައް އެއްތަންވެ އާއިލީ ގުޅުންތައް ބަދަހިކޮށްދިނުމުގައި ވަރަށް މުހިއްމު ދައުރެއް އަދާކުރާ ޝޯތަކެއް ކަމުން އަކްޝޭގެ އާ ޝޯގެ ސަބަބުން ފެމިލީ އޯޑިއަންސްގެ ގުޅުން އިތުރަށް ބަދަހިވެގެންދާނެ ކަމަށް އުއްމީދުކުރާ ކަމަށް އެކްޓަރު ވަނީ ބުނެފައެވެ. އަލަށް ދައްކަންފެށި އަކްޝޭގެ ޝޯ "ވީލް އޮފް ފޯޗޫން އިންޑިއާ" ހޯސްޓުކުރަން ޓީވީ ސެޓަށް އެނބުރި އާދެވުމަކީ ވަރަށް ގިނަ ހަނދާންތަކެއް އާކޮށްދިން ކަމެއް ކަމަށާއި އަމިއްލަ އާއިލާއާ އެތައް ދުވަހެއް ފަހުން ބައްދަލުވިކަމުގެ އިހުސާސް ކުރެވުނު ކަމެއްކަމަށް އަކްޝޭ ވަނީ ބުނެފައެވެ. ބޮލީވުޑްގެ އެންމެ ބޮޑު ޑިމާންޑެއް އޮންނަ އެކްޓަރުންގެ ތެރޭ ހިމެނޭ އަކްޝޭގެ އެންމެފަހުން ރިލީޒްވި ފިލްމަކީ މިދިޔަ ސެޕްޓެމްބަރު މަހު ރިލީޒްކުރި ފިލްމު "ޖޮލީ އެލްއެލް ބީ 3"އެވެ. އަކްޝޭގެ ކުރިއަށްހުރި ފިލްމުތަކުގެތެރެއިން ތިން ފިލްމެއްގެ މަސައްކަތް ނިމިފައިވާއިރު އެންމެ އަވަހަށް ބެލުންތެރިންނަށް ގެނެސްދޭނީ މި އަހަރުގެ އޭޕްރިލް މަހު ރިލީޒްކުރާ ފިލްމު "ބޫތު ބަންގްލާ"އެވެ.