މަރުކަޒީ ބޭންކު، އެމްއެމްއޭގެ ފައިނޭންޝަލް އިންވެސްޓިގޭޝަން ޔުނިޓު (އެފްއައިޔޫ)ގެ ވެރިޔާ އިސްމާއިލް ސާޖިދު އެ މަގާމުން ވަކިކޮށްފި އެވެ.
ވީ ކިހިނެއް؟ - ޖިންސީ ފުރައްސާރައިގެ ތުހުމަތުގައި ސާޖިދު ސަސްޕެންޑުކުރީ މިދިޔަ ޑިސެމްބަރުގެ 28ގަ އެވެ.
ތަފްސީލު - އެނގިފައިވާ ގޮތުގައި، އޭނާ މަގާމުން ވަކިކުރަން މިއަދު ނިންމީ އެ މައްސަލަ ބަލަން އެމްއެމްއޭއިން އެކުލަވައިލި ކޮމެޓީއަކުންނެވެ.
މީގެ ކުރިން ޓެކްސް އެޕީލް ޓްރައިބިއުނަލުގެ މެންބަރުކަން ވެސް ކުރެއްވި ސާޖިދު، އެފްއައިޔޫގެ ވެރިޔަކަށް ހަމަޖެއްސީ މިދިޔަ އޮގަސްޓު މަހު ކުރީކޮޅެވެ.
އެފްއައިޔޫގެ ވެރިޔަކަށް ސާޖިދު ހަމަޖެއްސީ ކުރިން އެ މަގާމުގައި ހުންނެވި އަބްދުﷲ އަޝްރަފު ވަކިކުރުމާ ގުޅިގެންނެވެ.