ރާއްޖެއިން ޖަޕާނަށް ކަނޑައެޅުއްވި ސަފީރު އަހުމަދު މަހްލޫފު، ސަފީރުކަމުގެ ފަތްކޮޅު ޖަޕާނުގެ އެމްޕެރާ ނަރުހިޓޯއަށް އަރުވައިފި އެވެ.މިކަން ހާމަކުރައްވައި ހާރިޖީ ވަޒީރު އިރުތިޝާމް އާދަމް ކުރެއްވި ޕޯސްޓުގައި މަހުލޫފަށް މަރުހަބާ ވިދާޅުވެ، މަހުލޫފްގެ ސަފީރުކަމުގެ ދައުރުގައި ރާއްޖެއާއި ޖަޕާނުގެ ގުޅުން އިތުރަށް ބަދަހިވެގެންދާނެކަމަށް އުއްމީދުކުރައްވާކަމަށް ވިދާޅުވި އެވެ.ދިވެހިރާއްޖެއިން ޖަޕާނަށް ކަނޑައަޅާ ސަފީރުކަމުގެ މަގާމަށް ކުރީގެ ޔޫތް މިނިސްޓަރު މަހުލޫފް އައްޔަނުކުރެއްވީ ހުސްވި ޑިސެމްބަރުމަހުގެ ތެރޭގަ އެެވެ. ރާއްޖެއިން ޖަޕާނަށް ކަނޑައަޅާ ސަފީރު ކަމަށް މަހުލޫފު އައްޔަން ކުރައްވާ ސަފީރުކަމުގެ ފަތްކޮޅު ރައީސް ޑރ. މުހައްމަދު މުއިއްޒު އެރުވީ މިދިޔަ އަހަރުގެ ޑިސެމްބަރު މަހު އެވެ.