"ޖަމިއްޔަތުއް ސަލަފުން އަޅުގަނޑު އިސްތިއުފާ ދީފިން،" އަލީ ރަމީޒުގެ ޕޯސްޓްގައި ލިޔެފައިވެ އެވެ.
ޖަމިއްޔަތުއް ސަލަފުގެ އެއް މުއައްސިސް އަލީ ރަމީޒު މިރޭ އެ ޖަމާއަތުން ވަކިވެ އެކަން ރަސްމީކޮށް އިއުލާނު ކޮށްފި އެވެ.
ސަލަފުގެ އޮޕަރޭޝަން މެނޭޖަރުގެ މަގާމުގައި ވެސް ހުރި އަލީ ރަމީޒު ވަނީ ސަލަފުން ވަކިވެފައިވާ ކަމަށް އިއުލާނުކޮށް ސޯސަލް މީޑިއާގައި ޕޯސްޓެއް ކޮށްފަ އެވެ."ޖަމިއްޔަތުއް ސަލަފުން އަޅުގަނޑު އިސްތިއުފާ ދީފިން،" އަލީ ރަމީޒުގެ ޕޯސްޓްގައި ލިޔެފައިވެ އެވެ.އަލީ ރަމީޒު ކުއްލި ގޮތަކަށް އިސްތިއުފާ މި ދިނީ އެ ޖަމިއްޔާގެ ހިންގާ ކޮމެޓީގެ އަށްވަނަ ދައުރު ފެށިފައި ވަނިކޮށެވެ. 2006 ވަނަ އަހަރު އެ ޖަމިއްޔާ އުފެއްދުމުގައި އެންމެ އިސްކޮށް އުޅުނު އަލީ ރަމީޒު އިސްތިއުފާ ދިން ސަބަބެއް ނުބުނެ އެވެ.މިދިޔަ އަހަރުތަކުގައި ސަލަފުން ހިންގި ވަރަށް ގިނަ ހަރަކާތްތަކުގައި އަލީ ރަމީޒުގެ މުހިންމު ދައުރެއް އޮތެވެ. އޭނާއަށް ލިބިފައި އޮތް ބޮޑު މަގުބޫލު ކަމާއި މަޝްހޫރު ކަމުގެ ސަބަބުން ވެސް ސަލަފުގެ ހަރަކާތްތަކަށް އާންމުންގެ ނަޒަރު ހުއްޓޭ ގޮތް މެދުވެރިވި އެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ