ގޯލްޑަން ފުޓްސަލް ޗެލެންޖުގައި މިއަދު ކުޅުނު މެޗުތަކުން، އެންމެ ފަހުގެ ޗެމްޕިއަން، ބ. އޭދަފުށްޓާއި ދ. މާއެނބޫދޫން ވަނީ މޮޅަކުން އަތޮޅު ބުރު ފަށައިފި އެވެ.
މި ފަހަރުގެ ގޯލްޑަން ފުޓްސަލް ޗެލެންޖުގައި ބ. އަތޮޅާއި ދ. އަތޮޅުން ކުރެ ކޮންމެ އަތޮޅެއްގައި ވެސް ބައިވެރިވީ ތިން ރަށަކުންނެވެ. އެ ގޮތުން، ބ. އަތޮޅުން ވާދަކުރަނީ އޭދަފުށްޓާއި ތުޅާދޫގެ އިތުރުން ފެހެންދޫ އެވެ. އަދި ދ. އަތޮޅުން ފެނިގެންދާނީ، މާއެނބޫދޫ އާއި ބަނޑިދޫގެ އިތުރުން ކުޑަހުވަދޫ އެވެ.
އޭދަފުށިން 1-0 އިން ތުޅާދޫ ބަލިކުރިއިރު، ބަނޑިދޫ އަތުން މާއެނބޫދޫ މޮޅުވީ 12-0 އިންނެވެ.
މިއަދު ހަވީރު ކުޅުނު މެޗުގައި އޭދަފުށީ ޓީމަށް ހަަމައެކަނި ލަނޑު ޖަހައިދިނީ ފުރަތަަމަ ހާފުގައި ހުސެއިން ޝަރީފް (މުޑާ) އެވެ. ރީބައުންސަކުން ލިބުނު ފުރުސަތެއްގައި ހުސެއިން ޝަރީފް ޖެހި ބޯޅަ ގޯލަށް އަމާޒުވީ ކުރިމަތީގައި ތިބި ކުޅުންތެރިންގެ ތެރެއިން ލާފައި ގޮހެވެ. މި މެޗުގައި ތުޅާދޫން ނަތީޖާ ހަމަހަމަ ކުރެވޭތޯ ފޮނުވާލި ބޯޅަތައް އޭދަފުށީގެ ކީޕަރު ނާސިހު ވަނީ މަތަކޮށްފަ އެވެ.
އޭދަފުށިން މިދިޔަ އަހަރުގެ ގޯލްޑަން ފުޓްސަލް ޗެލެންޖުގެ ބ. އަތޮޅު ފައިނަލުގައި ތުޅާދޫ އަތުން މޮޅުވީ 5-2 އިންނެވެ.
ބަނޑިދޫ އަތުން މާއެނބޫދޫ މޮޅުވި މެޗުގައި، އެ ޓީމުގެ އަލީ ޝާމިއު (މައިތޯ) ވަނީ ހެޓްރިކެއް ހަދައިފަ އެވެ. ދެން އެ ޓީމުން ލަނޑުތައް ޖެހީ، އާމިލް އަލީ އާއި އަލީ ޝައިބާން، ކޮންމެ ކުޅުންތެރިއަކު ދެ ގޯލުގެ އިތުރުން، މުހައްމަަދު ޝާހު، އަހުމަދު އީމާން، އަހުމަދު ޝައިހާން، މުހައްމަދު ނަޔާޒް އަދި މުހައްމަދު ސާއިން ސަލީމް، ކޮންމެ ކުޅުންތެރިއަކު ވަނީ ގޯލެއް ޖަހައިފަ އެވެ.
މިިދިޔަ އަހަރުގެ ދ. އަތޮޅުގެ ފައިނަލުގައި ކުޑަހުވަދޫން ވަނީ މާއެނބޫދޫ އަތުން 6-2 އިންނެވެ.