ކުރީގެ ރައީސް އަލްއުސްތާޒް މައުމޫން އަބްދުލް ގައްޔޫމް އެމަނިކުފާނުގެ އަނބިކަނބަލުން ނަސްރީނާ އިބްރާހިމްގެ ގެކޮޅު މ. އެންދެރިމާގެ އަށް ރޭ ބަދަލުވެވަޑައިގެންފި އެވެ.
މައުމޫންގެ ދަރިކަނބަލުން ޔުމްނާ މައުމޫން މިއަދު ވިދާޅުވީ ނޮވެމްބަރު ،10 2008 އިން ފެށިގެން އަލިވާގޭގައި ދިރިއުޅުއްވުމަށް ފަހު އެންދެރިމާގެ އަށް ބަދަލުވެވަޑައިގެންނެވީ އެ ބައި ހަދައި ނިމުމުން ކަމަށެވެ.
"ކުރިން ވެސް ބައްޕަ އަލިވާގޭގައި ހުންނެވީ އެންދެރިމާގެއިން މަންމައަށް ވީ ބައި ހަދައި ނިމެންދެން. އެހެންވީމަ އެ ބައި ހަދައި ނިމުނީމަ ރޭގައި އެންދެރިމާގެއަށް ބަދަލުވެވަޑައިގަތީ،" ޔުމްނާ ވިދާޅުވި އެވެ.
އަލިވާގެ އަކީ ނަސްރީނާގެ ބޭބެ އަދި ކުރީގެ ސަރުކާރުގެ އެތައް ވުޒާރާއެއް ހިންގެވި އިލްޔާސް އިބްރާހީމްގެ ގެކޮޅެވެ.