ޖުމްހޫރީ ޕާޓީގެ ލީޑަރު ގާސިމް އިބްރާހީމް ރޭ ހައްޔަރުކުރީ އެމަނިކުފާނުގެ ގެކޮޅު، މާފަންނުވިލާގައި ހުންނަވަނިކޮށެވެ. ރޭ އިޝާ ނަމާދު ވަގުތާ ދިމާކޮށް ގާސިމް ހައްޔަރުކޮށްގެން ގެންގޮސް ބަހައްޓާފައި ހުރީ ދޫނިދޫގަ އެވެ. ފުލުހުން މިހާރު ވަނީ ގާސިމް ކްރިމިނަލް ކޯޓަށް ހާޒިރުކޮށްފަ އެވެ. ގާސިމްގެ މައްޗަށް ފުލުހުން ކުރަމުންދާ ތުހުމަތުތަކަށް ގާސިމް ވަނީ ތަކުރާރުކޮށް އިންކާރުކުރައްވާފަ އެވެ.