ހދ. ހަނިމާދޫ، ހދ. ނޮޅިވަރަންފަރު އަދި ތ. ވިލުފުށީގައި ހައުސިން ޔުނިޓްތައް އެޅުމާ ގުޅޭގޮތުން އެސްޖޭ ޓްރޭޑް ޕްރައިވެޓް ލިމިޓެޑާއި އެސްޖޭ ކޮންސްޓްރަކްޝަންގެ ޖޮއިންޓް ވެންޗާއިން ހުށަހެޅި ބީލަންތައް ބާތިލްކުރީ ގޯސްކޮށް ކަމަށާއި އޭގެ ސަބަބުން ގެއްލުން ވެފައިވާ ނަމަ ބަދަލު ހޯދަން ދައުވާކުރުމުގެ ހައްގު ލިބިގެންވާ ކަމަށް ސިވިލް ކޯޓުން ދައުލަތާ ދެކޮޅަށް ކުރި ހުކުމްތަކަށް ހައި ކޯޓުން ވެސް ތާއީދުކޮށްފި އެވެ. 
ސިވިލް ކޯޓުން 2022 އަދި 2023 ވަނަ އަހަރު ކޮށްފައިވާ ހުކުމްތައް ދައުލަތުން ހައި ކޯޓުގައި އިސްތިއުނާފުކުރުމުން، ދަށު ކޯޓުގެ ހުކުމްތައް ބާތިލްކުރަންޖެހޭ ސަބަބެއް ނެތް ކަމަށް މި މަހު 15 ގައި ހުކުމް ކުރެއްވީ ހައި ކޯޓުގައި މައްސަލަ ބެއްލެވި ތިން ފަނޑިޔާރުން ކަމަށްވާ ފަނޑިޔާރު މުހައްމަދު ޝަނީޒް އަބްދުﷲ، ފަނޑިޔާރު ދީބާނާޒް ފަހުމީ އަދި ފަނޑިޔާރު އަބްދުލްމާނިއު ހުސައިންގެ އިއްތިފާގުންނެވެ.
ފިނޭންސް މިނިސްޓްރީން ވަނީ ތިން ރަށެއްގެ ހައުސިން ޔުނިޓްތަކުގެ މަސައްކަތް ކޮށްދޭނެ ފަރާތެއް ހޯދުމަށް އިއުލާނުކޮށްފައި:
މި މަޝްރޫއުތަކަށް އެސްޖޭ ޖޮއިންޓް ވެންޗާއިން ހުށަހެޅި ބިޑްތަކުގައި އެމްޕްލޯޔާސް ރިކުއަމަންޓްސް އަދި ބީއޯކިއު ފުރިހަމަނުވާ ކަމަށް ބުނެ ނޭޝަނަލް ޓެންޑަ ބޯޑުން އެ ފަރާތްތައް ޑިސްކޮލިފައި ކުރި އެވެ.
އެސްޖޭގެ ބިޑްތައް ބަލައިނުގަތް މައްސަލަ، ބިޑްތަކުގެ މައްސަލަ ބަލާ މުސްތަގިއްލު ރިވިއު ކޮމިޓީގައި އެސްޖޭއިން އިސްތިއުނާފު ކުރުމުން، ކޮމިޓީން ނިންމީ؛
ނަމަވެސް، ނޭޝަނަލް ޓެންޑަ ބޯޑުން އެ އެންގުމާ އެއްގޮތަށް އަމަލުނުކޮށް، މަސައްކަތްތައް އެހެން ފަރާތްތަކާ ހަވާލުކުރަން އުޅުމުން އެސްޖޭ އިން ސިވިލް ކޯޓަށް މައްސަލަ ހުށަހެޅި އެވެ. ސިވިލް ކޯޓުން ވަނީ ދައުލަތުން އަމަލުކޮށްފައިވަނީ މާލިއްޔަތު ގަވާއިދާ ހިލާފަށް ކަމަށް ކަނޑައަޅައި، 20 ދުވަސް ތެރޭގައި ބިޑް ރީ-އިވެލިއުއޭޓް ކުރުމަށާއި، އެދިފައިވާ ފަރުވާ ނަގައިދެވެން ނެތް ހާލަތެއްގައި ލިބުނު ގެއްލުމުގެ ބަދަލު ހޯދުމަށް ދައުވާކުރުމުގެ ހައްގު އެސްޖޭ އަށް އޮތް ކަމަށް ހުކުމް ކޮށްފަ އެވެ.
ދައުލަތުން ހައިކޯޓުގައި މައިގަނޑު ގޮތެއްގައި ވަކާލާތު ކުރީ، މުސްތަގިއްލު ރިވިއު ކޮމިޓީގެ ނިންމުމަށް ޓެންޑަ ބޯޑުން ތަބާވާންޖެހޭނީ އެއީ ޓެންޑަ ޑޮކިއުމަންޓާ އެއްގޮތަށް ނިންމާފައިވާ ނިންމުމަކަށްވާ ހާލަތުގައި ކަމަށެވެ. އަދި ހަނިމާދޫ ޕްރޮޖެކްޓް މިހާރު ތިން ވަނަ ފަރާތަކަށް އެވޯޑްކޮށް އެއްބަސްވުމުގައި ސޮއިކޮށްފައިވާތީ، ސިވިލް ކޯޓުގެ ހުކުމް ތަންފީޒުކުރަން އުނދަގޫވާނެ ކަމަށް ބުންޏެވެ.
މި ނުކުތާތަކަށް ރިއާޔަތްކޮށް ހައިކޯޓުން ނިންމީ:
މި ނިންމުމާ އެކު، ދައުލަތުގެ މާލިއްޔަތު ގަވާއިދުގެ ދަށުން އުފައްދާފައިވާ ބީލަމުގެ މައްސަލަތައް ބަލާ މުސްތަގިއްލު ރިވިއު ކޮމިޓީގެ ނިންމުންތަކަކީ ނޭޝަނަލް ޓެންޑަ ބޯޑަށް ބާރު ހިނގާ، އަދި އެ ބޯޑުން ތަބާވުން ލާޒިމް ކުރާ ނިންމުންތަކެއްކަން ވަނީ ގާނޫނީގޮތުން އިތުރަށް ކަށަވަރުވެފަ އެވެ.