ކަނދުފަތި ޤާއިމްކުރުމަށް ޚާއްސަ އިތުރު 2 ސެންޓަރު ރާއްޖޭގެ އުތުރާއި ދެކުނުގައި ޤާއިމްކުރުމަށް ނިންމާފައިވާކަމަށް މަސްވެރިކަމާއި ކަނޑުގެ ވަސީލަތްތަކާ ބެހޭ ވަޒީރު އަޙްމަދު ޝިޔާމް ވިދާޅުވެއްޖެއެވެ.ވަޒީރު ޝިޔާމް މިކަން ހާމަކުަން ހާމަކުރެއްވީ މިހާރު ބޭނުންކުރާ ކަނދުފަތީގެ ޑިޒައިނަށް ބަދަލު ގެނައުމަށް ބޭއްވި މަޝްވަރާ ބައްދަލުވުމުގައެވެ. މިހާރު ރާއްޖޭގައި ހުރީ ކަނދުފަތި ޤާއިމްކުރާ އެންމެ ސެންޓަރެއް ކަމަށާއި، އިތުރު ދެ ސެންޓަރު ޤާއިމްކުރުމުން ކަނދުފަތީގެ ވިއުގަ ފުޅާކުރުމަށް ފަސޭހަވާނެ ކަމަށް ވަޒީރު ވިދާޅުވިއެވެ."މިހާރު ޤާއިމްކުރަމުންދާ ށ. ފުނަދޫގެ ކަނދުފަތި ސެންޓަރުގެ މަސައްކަތް މިއަހަރު ނިމޭނެ. އަދި އުތުރާއި ދެކުނުގައި އިތުރު ދެ ސެންޓަރު ޤާއިމްކުރުމުގެ މަސައްކަތް ވެސް ފަށާނަން،" ވަޒީރު ވިދާޅުވިއެވެ.ވަޒީރު ޝިޔާމް ދެއްވި މަޢުލޫމާތުގައި، މިހާރު ރާއްޖޭގައި ވަނީ 65 ދޮށީ ކަނދުފައްޗާއި 26 ވަދު ކަނދުފަތި އަޅާފައިވާ ކަމަށް ވިދާޅުވިއެވެ. އަދި ފުނަދޫ ސެންޓަރު ހުޅުވުމާއެކު، ކަނދުފަތީގެ ވިއުގަ އިތުރަށް ފުޅާކުރެވި، މަސްވެރިންނަށް ފަސޭހަވެގެންދާނެ ކަމަށް ވެސް ވަޒީރު ފާހަގަކުރެއްވިއެވެ.މި މަޝްރޫޢުތަކުގެ ސަބަބުން ރާއްޖޭގެ މަސްވެރިކަން އިތުރަށް ކުރިއަރައި، މަސްވެރިންނަށް ލިބޭ ނަފާ އިތުރުވެގެންދާނެ ކަމަށް ބެލެވެއެވެ.