ކައުންސިލިންގ ހޯދަން އަންނަ ބައެއް އަންހެނުންގެ ގާތުގައި އެމީހުންގެ މައްސަލަ ނުވަތަ ކަންބޮޑުވުން ފިރިމިހާއަށް ޙިއްޞާކޮށްފިންތޯ ސުވާލުކުރުމުން ބުނަނީ ނުކުރާ ކަމަށެވެ. ނުކުރަނީ ކީއްވެގެންތޯ ސުވާލުކުރުމުން ބުނަނީ ކަންކަން އިޞްލާޙްކުރާނެކަމަށް ޤަބޫލުނުކުރެވޭތީ ކަމަށެވެ.  
މިއީ ވަރަށް ދެރަކޮށް ކުރެވޭ ކަމެކެވެ. ބައިވެރިޔާގެ ކިބައިން ތިމާ ނުރުހޭ ކަމެއް ފެންނަނަމަ އެކަމެއް ފާހަގަކޮށް އަނެކާއާއި ވާހަކަދައްކަންވާނެއެވެ. އެކަން އިޞްލާޙްނުކުރާނެ ކަމަށް ނިންމައި އެވާހަކަ ނުދައްކައި ދެމީހުންކުރެ އެކަކުވެސް ހުރެގެން ނުވާނެއެވެ.  
އެއްދުވަހަކު ކައުންސިލިންގ ހޯދަން އައި އަންހެނަކު ދެއްކި ވާހަކަތައް އަޑުއެހުމުން އެނގުނީ އޭނާގެ މައްސަލައަކީ ދެމަފިރިން އެކުގައި ޜޭކުރުމަށްފަހު ފިރިމީހާ ވަކި އެނދެއްގައި ނިދާތީކަމެވެ. އަހުރެން ނަޞީޙަތްދިނީ ފިރިމީހާ އާއި މަޝްވަރާކޮށްލުމަށްފަހު ވީގޮތެއް ބުނުމަށެވެ. 
އެއިގެ 2 ހަފްތާފަހުން އައިސް ބުންޏެވެ. "މައްސަލަ ޙައްލުވެއްޖެއެވެ. ފިރިމީހާ ގާތުގައި އެވާހަކަ ދައްކާއިރަށް ދެވަނަ އެނދުވެސް ކޮޓަރިން ނެރެފިއެވެ. ފިރިމީހާ ބުނިކަމަށްވަނީ އެގޮތަށް އެކަންކުރަނީ އޭނާގެ މަންމައާއި ބައްޕަވެސް ވަކިން ދެއެނދެއްގައި ނިދާތީ އަނބިމީހާވެސް ބޭނުންވާނީ އެގޮތްކަމަށް ޤަބޫލުކުރެވިގެން ކަމަށެވެ.   
އަހުރެން މިބުނަނީ ހުރިހާ ބައިވެރިން ކަންކަން ކުރާނީ އެއްގޮތަކަށް ކަމަކަށް ނޫނެވެ. ޢަމަލުތައް ބަދަލުނުކުރާ ބައަކުވެސް އުޅޭނެއެވެ. ނަމަވެސް އެއީ ހެޔޮލަފާ މީހަކުނަމަ، އަންހެނަކަސް އަދި ފިރިހެނަކަސް ބައިވެރިޔާ ކަންކަންބޮޑުވާ ކަންކަން އެނގުމުން އެކަމެއް އިޞްލާޙްކުރާނެއެވެ.
 
- ތަޖުރިބާކާރު ޢިލްމްވެރިއެއްގެ ވާހަކަފުޅަކުން / މިއަދުނޫސް