ވެލާނާ އެއާޕޯޓްގެ އާ ޓާމިނަލް މަސައްކަތުގައި އުޅޭ ބިދޭސީންތަކެއްގެ މެދުގައި ބޮޑު މާރާމާރީއެއް ހިނގައި، އެތައް ބަޔަކަށް ފަރުވާދޭން ފަށައިފި އެވެ.
"މިރާ"އަށް އެނގިފައިވާ ގޮތުގައި، މި ހާދިސާގައި ހިނގާފައިވަނީ ހުޅުލޭގައި ހުންނަ ސައިޓުގައި މަސައްކަތްކުރާ ބަންގްލަދޭޝް، ޗައިނާ އަދި މިސްރުގެ ބިދޭސީންގެ މެދުގަ އެވެ.އެނގިފައިވާ ގޮތުގައި، ސައިޓުގައި ހިނގި ދެ ބަސްވުމެއްގައި ޗައިނާ އާއި ބަންގްލަދޭޝް މީހުން އެއްވެގެން، މިސްރުގެ މަސައްކަތްތެރިންނަށް ވަނީ ހަމަލާދީފަ އެވެ.
ފުލުހުން ބުނީ، މި މާރާމާރީ އާ ގުޅިގެން ފުލުހުން ހަރަކާތްތެރިވަމުން އަންނަ ކަމަށާއި، އަނިޔާވި މީހުން ހުޅުމާލެ ހޮސްޕިޓަލާއި ޓްރީ ޓޮޕް ހޮސްޕިޓަލަށް ގެންގޮސް ފަރުވާދެމުން އަންނަ ކަމަށެވެ.
ނަމަވެސް، މި މާރާމާރީގައި އަނިޔާވި މީހުންގެ އަދަދެއް އަދި ލިބުނު އަނިޔާގެ ތަފްސީލެއް އަދި ނޭނގެ އެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ