އިންޓާ ޕާލިމެންޓްރީ ޔޫނިއަން (އައިޕީޔޫ)ގެ 150 ވަނަ އެސެމްބްލީގައި ބައިވެރިވެވަޑައިގަތުމަށް ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ އުޒްބަކިސްތާނަށް ވަޑައިގެންފި އެވެ.މި ދަތުރުފުޅުގައި ރައްޔިތުންގެ މަޖިލީހުގެ ރައީސްގެ އަރިހުގައި ރައްޔިތުންގެ މަޖިލީހުގެ މައިނޯރިޓީ ލީޑަރ، ހިތަދޫ ދެކުނު ދާއިރާގެ މެންބަރު އިބްރާހީމް ނާޒިލް، މާފަންނު މެދު ދާއިރާގެ މެންބަރު އަސްމާ ރަޝީދު، ހުރާ ދާއިރާގެ މެންބަރު ޑޮކްޓަރ އަނާރާ ނައީމް، މާފަންނު ދެކުނު ދާއިރާގެ މެންބަރު ޢަބްދުﷲ ރިފާއު އަދި ހެންވޭރު ދެކުނު ދާއިރާގެ މެންބަރު ހުސައިން އިމްރާން ލަތީފް ބައިވެރިވެވަޑައިގަންނަވައެވެ.އިންޓަރ-ޕާލިމެންޓަރީ ޔުނިއަންގެ 150 ވަނަ އެސެމްބްލީ ކުރިއަށްދާނީ މިމަހުގެ 5 އިން ފެށިގެން 9 ގެ ނިޔަލަށެވެ. އައިޕީޔޫއަކީ 180 ގައުމެއްގެ ގާނޫނު ހަދާ މަޖިލިސްތަކުން ބައިވެރިވާ ބައިނަލްއަގުވާމީ ޖަމްއިއްޔާއެކެވެ. އައިޕީޔޫގައި ރާއްޖެއިން ބައިވެރިވުމަށް ފާސްކުރީ ނޮވެމްބަރު 4، 2004ގައެވެ. އަދި އެ ޖަމްއިއްޔާގެ ރާއްޖޭގެ ގޮފި އެކުލަވައިލީ ޖޫން 6، 2005ގައެވެ.