އެސްއެމްއީ ޑެވެލޮޕްމެންޓް ފައިނޭންސް ކޯޕަރޭޝަން (އެސްޑީއެފްސީ) އިން ހާމަކުރި ގޮތުގައި، އަންހެނުންގެ ވިޔަފާރިތައް ކުރިއެރުވުމަށް ސަރުކާރުން ފަށާފައިވާ "ފަށާ މަދަދު" ލޯނު ސްކީމުގެ ދަށުން މިހާތަނަށް 60 ފަރާތަކަށް ލޯނު ދޫކޮށްފައިވެއެވެ. މީގެ ތެރޭގައި 4 ޚާއްޞަ އެހީއަށް ބޭނުންވާ ފަރާތްތައް ހިމެނެއެވެ.100 މިލިއަން ރުފިޔާގެ މި ސްކީމުގެ ދަށުން މިހާތަނަށް ޖުމްލަ ފަންޑުގެ 45 ޕަސެންޓް ދޫކުރެވިފައިވާ ކަމަށް އެސްޑީއެފްސީން ބުނެއެވެ. މި ސްކީމުގެ ދަށުން ކޮންމެ ފަރާތަކަށްވެސް 100,000 ރުފިޔާއިން ފެށިގެން 500,000 ރުފިޔާއާ ހަމައަށް ލޯނު ނެގުމުގެ ފުރުޞަތު ލިބިދެއެވެ.ލޯނުގެ އިންޓްރެސްޓް ރޭޓަކީ އަހަރަކު 6 ޕަސެންޓެވެ. އަދި 12 މަސްދުވަހުގެ ގްރޭސް މުއްދަތެއް ދެވޭއިރު، ލޯނު އަނބުރާ ދެއްކުމަށް 7 އަހަރުގެ މުއްދަތެއް ދެވެއެވެ."ފަށާ މަދަދު" ލޯނު ސްކީމަކީ ސަރުކާރުގެ 14 ހަފްތާގެ ވަޢުދުތަކުގެ ތެރެއިން ވަޢުދެކެވެ. މި ސްކީމުގެ މައިގަނޑު މަޤްޞަދަކީ އަންހެނުންނަށް ވިޔަފާރީގެ ފުރުޞަތުތައް އިތުރުކޮށްދިނުމެވެ. މި ސްކީމުގެ ސަބަބުން ގިނަ އަންހެނުންނަށް އަމިއްލަ ވިޔަފާރި ފެށުމާއި ކުރިއެރުވުމުގެ ފުރުޞަތު ލިބިގެންދާނެ ކަމަށް ބެލެވެއެވެ.