މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ފަތުރުވެރިކަމުގެ ދާއިރާގެ ވިޔަފާރިތަކަށް ވީހާވެސް އަވަހަކަށް އެ އޮތޯރިޓީގައި ރަޖިސްޓަރީވުމަށް އިލްތިމާސްކޮށްފިއެވެ.އެމްއެމްއޭ އިން ނެރުނު ބަޔާނެއްގައި ބުނެފައިވަނީ، ފަތުރުވެރިކަމުގެ ދާއިރާގައި ހަރަކާތްތެރިވާ ވިޔަފާރިތަކުގެ ތެރެއިން ޓީޖީއެސްޓީ ދައްކާ ފަރާތްތަކުން ބޭރުފައިސާއާ ބެހޭ ގަވާއިދުގެ ދަށުން ވީހާވެސް އަވަހަށް އެ އޮތޯރިޓީގައި ރަޖިސްޓަރީވުމަށް އިލްތިމާސްކުރާ ކަމަށެވެ.ބޭރުފައިސާއާ ބެހޭ ގަވާއިދުގެ ދަށުން، އެމްއެމްއޭގައި ރަޖިސްޓަރީވާން ޖެހޭ އެންމެ ފަހު ތާރީޚަކީ 2024 ވަނަ އަހަރުގެ އޮކްޓޫބަރު މަހުގެ 30 ވަނަ ދުވަސް ކަމަށް އެމްއެމްއޭ އިން ބުނެފައިވެއެވެ.ރަޖިސްޓަރީވުމަށް ޓަކައި، އެމްއެމްއޭ އެފްއެކްސް ރެޖިސްޓްރޭޝަން ޕޯޓަލް (https://extranet.mma.gov.mv/foreign-exchange) ގައިވާ ރަޖިސްޓްރޭޝަން ފޯމް ފުރިހަމަކުރަން ޖެހޭނެ ކަމަށް އެމްއެމްއޭ އިން މަޢުލޫމާތު ދީފައިވެއެވެ.މި ކަމާ ގުޅޭ އިތުރު މަޢުލޫމާތު ހޯދުމަށް ބޭނުންވާ ފަރާތްތަކަށް 3012121 ނަންބަރަށް ގުޅުމަށާއި، ނުވަތަ [email protected] އަށް އީމެއިލް ކުރުމަށް އެމްއެމްއޭ އިން އަންގާފައިވެއެވެ.