ދަރިފުޅާއެވެ. ޖަވާހިރަކީ ވަރަށް އަގު ބޮޑު އެއްޗެކެވެ. ނަމަވެސް ފެންނާނީ ބިންގަނޑު ވަރަށް ފުނަށް ކޮނެ ހޯދަން އެތައް މަސައްކަތެއް ކުރުމުންނެވެ. ދެން އޮތީ އެތައް މިލިއަން ޑޮލަރުގެ އަގުހުރި މުތުގެ ވާހަކައެވެ. އެއީއަކީވެސް އެންމެންނަށް ފެންނަ ގޮތަށް މޫދުގައި އޮޔާދާ އެއްޗެއް ނޫނެވެ. ހޯދަން ބޭނުންނަމަ ޖެހޭނީ ކަނޑުއަޑިއަށް ފީނައިގެން ބުރަ މަސައްކަތްކޮށްގެން ހޯދާށެވެ. 
ދަރިފުޅުގެ ހަށިގަނޑަކީ މާއަގުބޮޑު އެއްޗެކެވެ. ނިވާކޮށްގެން ހުންނަން ދީނުގައި އަންގަވާފައި އެއޮންނަނީ އެހެންވެގެންނެވެ. ވީމާ ބައްދަލުވާ އެންމެންނަށް ފެންނާނެހެން ދައްކައިގެން ނުއުޅޭށެވެ. 
މިވާހަކަ ތަފާތު ޢިބާރާތްތަކުން މީހުން ހާމަކުރެއެވެ. އަޞްލުގައި މިނަޞޭޙަތަކީ މަޝްހޫރު ބޮކްސިންޗެމްޕިއަން މުޙައްމަދު ޢަލީ އޭނާގެ އަންހެން ދަރިފުޅަށް ދިން ނަޞޭޙަތެއް ކަމަށްބުނެ ދައުރުވަމުންދާ ނަޞޭޙަތެކެވެ. އެއީ ދަރިފުޅާއި ބައްދަލުކުރަން ދިއައިރު ނިވާވާންޖެހޭ މިންވަރަށް ނިވާނުވެ ހުރުމުންނެވެ. ނަޞޭޙަތް ދިނީ ހަމަފެނުމަކުން ނޫނެވެ. ބައްދަލުވެ ދެބަފައިންގެ މެދުގައި ދެކެވުނު ވާހަކަތަކުގެ ތެރެއިން އެކަމަށް ރަނގަޅު ފުރުޞަތެއް ހޯދައިގެންނެވެ.  
ބުނެލަން އޮތީ ނަޞޭޙަތުގެ މަސްދަރު ޔަޤީން ނުވި ނަމަވެސް މިއީ ހަމަ ވަރަށް އަގުބޮޑު ނަޞޭޙަތެއް ކަމަށެވެ. އަދި މިފަދަ ނަޞޭޙަތް ދަރިއަކަށްވިޔަސް އަދި އެހެން މީހަކަށްވެސް ދޭންވާނީ ހަމަ ފެންނައިރަކަށް ނޫނެވެ. އެކަމަށް ރަނގަޅު ފުރުޞަތެއް ހޯދައިގެންނެވެ.
ހަމައެއާއިއެކު ފާހަގަކޮށްލަން ބޭނުންވަނީ އަންހެނުންގެ ހަށިގަނޑު ދައްކަންވާނީ ބަލަން މަސައްކަތްކުރާ މީހާއަށް އޭނާއަށް ދެއްކުން ހުއްދަވުމުންނެވެ. މާނައަކީ ކައިވެންޏަށް ފަހުގައެވެ.