މާލެ-ހުޅުމާލެ ހައިވޭގެ ޓްރެފިކް ލައިންތައް އާކުރުމުގެ މަސައްކަތް މިރޭ ފެށުމަށް ހަމަޖެހިފައިވާތީ ހައިވޭ ބޭނުންކުރާ ފަރާތްތަކުން މިކަމަށް ސަމާލުވުމަށް ފުލުހުން އަންގައިފިއެވެ.   
ހައިވޭގެ ދެ ފަރާތުގައި ޖަހާފައިވާ ދަގަނޑުތަކުގައި ދަބަރު ޖަހައި ވަރަށް ބޮޑަށް ވަނީ ބާވެފަ އެވެ. އަދި ތާރު މަގުގައި ކުރަހާފައިވާ މަގުމަތީގެ ނިޝާންތައް ވެސް ވަނީ ވަރަށް ބޮޑަށް ފުހެވި، އެއާޕޯޓުގެ ފެންސުތައް ވެސް ވަރަށް ބޮޑަށް ބާވެ، ހަލާކުވެ، މަރާމާތުކުރަން ޖެހިފައެވެ.
ފުލުހުން ސޯޝަލް މީޑިއާގައި މިއަދު ކުރި ޕޯސްޓެއްގައި ބުނީ މަގުތަކަކީ އަމާން، ރައްކާތެރި ތަނަކަށް ހެދުމަށް ކުރާ މަސައްކަތުގެ ތެރެއިން ހައިވޭގެ ޓްރެފިކް ލައިންތައް އާކުރުމުގެ މަސައްކަތް މިރޭ 12 އިން ފެށިގެން ހެދުނު ހަޔަކަށް އެ މަސައްކަތް ކުރަމުންދާނޭކަމަށެވެ.
އެހެންކަމުން މި މަސައްކަތް ނިމެންދެން ހައިވޭ ބޭނުންކުރާ ފަރާތްތަކުން މިކަމަށް ސަމާލުވުމަށް ފުލުހުން ވަނި އިލްތިމާސް ކޮށްފައެވެ.