އިހަވަންދިއްޕޮޅު ތަރައްގީ ކުރުން ގްރޭޓަ މާލެ ފައިނޭންޝަލް ޑިސްޓްރިކްޓް ކުންފުނީގެ ދަށަށް ބަދަލު ކުރަން ރައީސް ޑރ. މުހައްމަދު މުއިއްޒު ނިންމަވައިފި އެވެ.
ރައީސް މިގޮތަށް ނިންމެވީ ގްރޭޓަ މާލެ ފައިނޭންޝަލް ޑިސްޓްރިކްޓްގެ ނަން "މޯލްޑިވްސް އިކޮނޮމިކް ގޭޓްވޭ ޑިވެލޮޕްމަންޓް ލިމިޓެޑް" އަށް ބަދަލު ކުރައްވައި ނެރުއްވި ގަރާރަކުންނެވެ.
ގްރޭޓަ މާލެ ފައިނޭންޝަލް ޑިސްޓްރިކްޓް ލިމިޓެޑަކީ ރާއްޖެ ބައިނަލްއަގުވާމީ މާލީ މަރުކަޒަކަށް ހަދައި އިގްތިސާދު ކުރިއެރުވުމަށް މިދިޔަ އަހަރު އެމަނިކުފާނު އުފެއްދެވި ކުންފުންޏެކެވެ. އެ ކުންފުނީގެ މައިގަނޑު މަގުސަދަކީ ޑިޖިޓަލް ފައިނޭންސާއި، ރިއަލް އެސްޓޭޓާއި، ފައިނޭންޝަލް ޓޫރިޒަމް އަދި ބޭންކިން ފަދަ މާލީ ހިދުމަތްތައް ރާއްޖޭގައި ތަރައްގީ ކުރުމެވެ.
އެ ކުންފުނީގެ ނަން ބަދަލުކުރަން ނިންމެވީ ކުންފުނީގެ ނަމާއި ކުންފުނީގެ މަގުސަދުތަކަށް ބަދަލު ގެނައުމަށް ބޯޑުން ނިންމެވުމާ ގުޅިގެންނެވެ.
އެގޮތުން ރައީސް ނެރުއްވި ގަރާރުގައި ވަނީ ތިލަދުންމަތީ އުތުރުބުރީ އިހަވަންދިއްޕޮޅު ތަރައްގީ ކުރުމާއި އެ މަޝްރޫއު ވިލަރެސް ކުރުމާއި ތަންފީޒު ކުރުމުގެ އެންމެހައި މަސައްކަތްތައް ސީދާ ގޮތުންނާއި އިސްތިރާޖީ ގޮތުންނާއި ދެމެހެއްޓެނިވި ގޮތެއްގައި މެދުކެނޑުމެއް ނެތި ކުރުމުގެ މަސައްކަތް ކުރުން އެ ކުންފުނީގެ މަގްސަދުގައި ވަނީ ހިމަނުއްވައިފަ އެވެ.
ސަރުކާރުން އިހަވަންދިއްޕޮޅުގައި ބަންކަރިންގެ ހިދުމަތް ފެށީ ސެޕްޓެމްބަރު 19، 2024 ގަ އެވެ.