މިނިސްޓަރު އިތުރަށް ފާހަގަކުރެއްވި ގޮތުގައި، ފަސް އަހަރުގެ ތެރޭގައި ފަސް މިލިޔަން ގަސް އިންދުމަކީ ގޮންޖެހުން ބޮޑު މަސައްކަތެއް ނަމަވެސް، އެ އަމާޒަށް ވާސިލްވެވޭނެ ކަމުގެ ޔަޤީންކަން ބޮޑެވެ.
މީގެ އިތުރުން، މި މަޝްރޫޢަކީ ގަހުގެ ޢިލްމު ހޯދުމާއި ތިމާވެށީގެ ދާއިރާއިން ކުރިއަށްދާން ބޭނުންވާ ފަރާތްތަކަށް ލިބޭނެ ރަނގަޅު ފުރުސަތެއް ކަމަށް މިނިސްޓްރީން ފާހަގަކުރެއެވެ. މުޅި ރާއްޖޭގައި 5 މިލިޔަން ގަސް އިންދުމުގެ މި ބޮޑު މަޝްރޫޢު ރައީސުލްޖުމްހޫރިއްޔާ އިޢުލާންކުރެއްވީ 2023 ވަނަ އަހަރުގެ ޑިސެމްބަރު މަހު ބޭއްވި ކޮޕް 28 ސަމިޓުގައި ދެއްވި ތަޤުރީރުގައެވެ.