ކ. މާފުށްޓާއި އެ ރަށުގެ ހިއްކި ސަރަހައްދު ގުޅުވައިދޭ ބްރިޖު މަޝްރޫއުގެ އަމަލީ މަސައްކަތް އިއްޔެ ފަށައިފި އެވެ.ރާއްޖޭގައި އެންމެ ފުޅާ ދާއިރާއެއްގައި ގެސްޓްހައުސް ވިޔަފާރި ހިންގާ އެއް ރަށްކަމުގައިވާ މާފުށީ ރައްޔިތުންނަށް މިއަދު ފެށުނު ކޯޒްވޭ މަޝްރޫއުގެ މަަސައްކަތް ފުރިހަމަވުމުން ދަތުރުފަތުރުކުރުމުގައި ލުއި ފަސޭހަ ލިބި ލަފާ ފުރުމާއި މުދާ އުފުލައި ބޭލުމުގައި މިހާރަށްވުރެ ހަރުދަނާވެ ހަލުވި ވެގެންދާނެ ކަމަށް ސަރުކާރުން ބުނެ އެވެ.އެ މަސައްކަތް ރަސްމީކޮށް ފަށަން އިއްޔެ އެ ރަށުގައި ބޭއްވި ރަސްމިއްޔާތުގައި ހައުސިން މިނިސްޓްރީގެ ސްޓޭޓް މިނިސްޓަރު އިސްމާއީލް ހަމީދާއި މާފުށީ ދާއިރާގެ މެމްބަރު ހުސައިން ރިޒާ އާއި އެމްޓީސީސީގެ ޑެޕިއުޓީ މެނޭޖިން ޑިރެކްޓަރު މުހައްމަދު ޖަމްޝީދުގެ އިތުރުން މާފުށީ ކައުންސިލް މެމްބަރުން ބައިވެރިވެވަޑައިގަތެވެ.އެ މަސައްކަތް ހަވާލުކޮށްފައި ވަނީ އެމްޓީސީސީއާ އެވެ. މާފުއްޓާއި ހިއްކި ސަރަހައްދު ގުޅާލުމަށް ނިންމާފައި ވަނީ ދަށުން އޮއެ ދެމޭގޮތަށް ހަދާ ބްރިޖަކުންނެވެ.މާފުށީގައި 25 ހެކްޓަރުގެ ބިމެއް ހިއްކައި ނިންމާލީ 2021 ވަނަ އަހަރެވެ. އެ ބިން ހިއްކީ ދައުލަތުން 118 މިލިއަން ރުފިޔާ ހަރަދުކޮށްގެންނެވެ. އެ ހިއްކި ބިމުގެ 45 ޕަސެންޓު ބޭނުން ކުރަން ނިންމާފައި ވަނީ އެ ރަށުގެ މީހުންނަށް ގޯތި ދިނުމަށެވެ.