ކުޅުދުއްފުށީ ރީޖަނަލް ހޮސްޕިޓަލް (ކޭއާރުއެޗް)ގައި އޮތް ހާލު ދެރަ ބަލި މީހަކު އެމްއެންޑީއެފްގެ އެހީތެރިކަމާއެކު އިތުރު ފަރުވާއަށް މާލެ ގެންގޮސްފި އެވެ.
އެމްއެންޑީއެފްއިން ބުނީ ކޭއާރުއެޗުގައި އޮތް ހާލު ދެރަ އުމުރުން 78 އަހަރުގެ ދިވެހި ފިރިހެނަކު އެމްއެންޑީއެފްގެ އެހީގައި އިތުރު ފަރުވާއަށް މާލެ ގެނެސްފައިވާ ކަމަށެވެ. ބަލިމީހާ މާލެ ގެންދެވުނީ ރޭ ދަންވަރު 3:10 ގައި ކަމަށެވެ.
A medical evacuation of a 78-year-old Male, in critical condition has been carried out from HDH.Kulhudhuffushi Regional Hospital to Male' City by MNDF Northern Command via MNDF Dornier flight . pic.twitter.com/RLZPpNyVmZ— Maldives National Defence Force (@MNDF_Official) October 25, 2020
ބަލި މީހާ މާލެ ގެންގޮސްފައިވަނީ އެމްއެންޑީއެފްގެ ޑޯނިއާ މަތިންދާ ބޯޓުގައި ކަމަށާއި މިއީ މި ބޯޓުގައި ކުރެވުނު މެޑިކަލް ފުރަތަމަ ދަތުރު ކަމަށް އެމްއެންޑީއެފުން ބުނެއެވެ.
އިންޑިއާއިން ރާއްޖެއަށް ހަދިޔާކުރި މި ފްލައިޓް ރާއްޖެ ގެނެސްފައިވަނީ މިދިޔަ ސެޕްޓެމްބަރު މަހުގެ 29 ވަނަ ދުވަހުގައެވެ.