ހއ. ތަކަންދޫ އިން ޕޮޒިޓިވް ނުވާ ކުޑަކުއްޖަކު ކަރަންޓީނަށް ގެންދެވުނު ކަމަށާއި، އެކަން އެގޮތަށްވީ ދެ ކުއްޖެއްގެ ނަމުގައި އެއް އަކުރު ބަދަލުވެގެން ކަމަށް ނެޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ) ގެ ތަރުޖަމާނު މަބްރޫކް އަޒީޒު ވިދާޅުވެއްޖެއެވެ.
ހޮނިހިރު ދުވަހުގެ ރޭ ބޭއްވި ނޫސްވެރިންގެ ބައްދަލުވުމުގައި މަބްރޫކް ވިދާޅުވީ އުތުރުގެ ރަށަކުން ޕޮޒިޓިވްނުވާ ކުއްޖެއް ކަރަންޓީނަށް ގެންދެވުނުކަމަށާއި، އެއީ އެކަން ވެފައިވާ ގޮތް ކަމަށެވެ. އަދި އެކަމާއި ގުޅިގެން އެންއޯއީސީން އާއިލާއާއި ވާހަކަދައްކާފައިވާ ކަމަށާއި، އެކަމުގައި މިހާރު އަޅަންޖެހޭ ފިޔަވަޅުތައް އަޅަމުންދާ ކަމަށެވެ.
މިކަން ހިނގާފައިވާގޮތަކީ ޕޮޒިޓިވްވި ކުއްޖަކާއި، ޕޮޒިޓިވްނުވާ ކުއްޖެއް މީގެތެރޭގައި ހިމެނޭއިރު ޕޮޒިޓިވް ކުއްޖާއާއި އަނެއް ކުއްޖާގެ ނަމުގެ ތަފާތަކަށް އިންނަނީ 1 އަކުރުގެ ތަފާތަކަށްވުންކަމަށް މަބްރޫކް ވިދާޅުވި އެވެ. އަދި މިއީ އެއް އާއިލާއެއްގެ ނަމަވެސް ދެ ގެއެއްގައި ދިރިއުޅެމުން އަންނަ ދެކުދިން ކަމަށް މަބްރޫކް ވިދާޅުވިއިއެވެ. އަދި ކަރަންޓީނަށް ގެންދެވިފައިވަނީ ޕޮޒިޓިވްވި މީހަކާއި އޭނާގެ ދަރިފުޅު ކަމަށް އޭނާ ވިދާޅުވި އެވެ.
މިއީ ޕޮޒިޓިވް ނުވި ނަމަވެސް ކްލޯސް ކޮންޓެކްޓެކެވެ.
ނަމަވެސް ގެންދެވުނު ދަރިފުޅު ނެގެޓިވް އެހެންނޫނަސް ކްލޯސް ކޮންޓެކްޓެއް. އެހެންވީމަ އެކުއްޖާ އަދިވެސް ޓެސްޓް ކުރަންޖެހޭ ކުއްޖެއް އެކުއްޖާއަކީ. ނަމަވެސް ޕޮޒިޓިވްވި އެހެން ކުއްޖެއް ހުރީ އެރަށުގައި ބެހެއްޓިފައި. އެކުއްޖާ ވެސް ގެންދިއުމުގެ މަސައްކަތް އެބަކުރޭ. އެކަމަށް އިންތިހާއަށް މައާފަށް އެދެން. އެޗްޕީއޭގެ ފަރާތުން ވަނި އެ އާއިލާއާއި ވާހަކަ ދައްކާފައި. އަދި މިކަން ހިނގި އިރު ފާހަގަކޮށްލަން ބޭނުން އެ ކުއްޖާއަކީ ކްލޯސް ކޮންޓެކްޓެއް. ޕޮޒިޓިވްވި މީހެއްގެ ދަރިއެއް ގެންދެވުނީ. އެކުއްޖާ ޓެސްޓް ކުރަން މަސައްކަތް ކުރޭ،
~ ތަކަންދޫ އިން މިހާތަނަށް ވަނީ 5 މީހުން ޕޮޒިޓިވްވެފައެވެ.
ތަކަންދޫ އިން މިހާތަނަށް ވަނީ 5 މީހުން ޕޮޒިޓިވްވެފައެވެ. މި މީހުންނަކީ ކާވިޔާ ބޯޓުން ދަތުރުކުރި މީހުންނެވެ.