އައްޑޫ ސިޓީގެ ކަރަންޓުގެ މައްސަލަ ހައްލުކުރުމުގެ މަސައްކަތް ކުރިއަށް އެބަ ދާ ކަމަށާއި, ދަތިތަކެއް ކުރިމަތި ވެދާނެތީ އެކަމަށް ފެނަކަ ކޯޕަރޭޝަނުން މައާފަށް އެދިއްޖެއެވެ.
އައްޑޫސިޓީ އަށް ކަރަންޓުގެ ހިދުމަތް ފޯރުކޮށްދެމުންގެންދާ އިންޖީނުތަކުގެ ތެރެއިން އެއް މެގަވޯޓުގެ ޖަނަރޭޓަރަކަށް މިއަދު ދިމާވި މައްސަލައަކާއި ގުޅިގެން ގުޅިފައިވާ ރަށްތަކުގެ ކަރަންޓުގެ ހިދުމަތަށް ވަނީ ބުރޫއަރާފައެވެ.
މި މައްސަލަތަށް ހައްލުކުރުމުގެ މަސައްކަތް ކަރަންޓުގެ މައްސަލަ ދިމާވީއްސުރެ ފެށިގެން އަދިވެސް އަންނަނީ ކުރެވެމުން ކަމަށާއި މި ވަގުތުގައި ބައެއް ސަރަހައްދުތަކުން އެކި ވަގުތުތަކުގައި ކަރަންޓު ކަނޑަމުންގެންދާނެކަމަށް ބުނެ ފެނަކައިން ވަނީ ބަޔާނެއް ނެރެފައެވެ.
އެ ބަޔާނުގައި ބުނެފައިވަނީ މައްސަލަ ހައްލުކުރެވޭނެ ކަމަށް ލަފާ ކުރެވެނީ މިރޭ 9:00 އާއި 10:00 ދޭތެރޭގައިކަމަށެވެ. އަދި މައްސަލަ ހައްލުވުމާއެކު ކަރަންޓު ފޮރުކޮށްދެވިގެންދާނެކަމަށްވެސް ފެނަކައިން ބުނެއެވެ.
ކަރަންޓުގެ ހިދުމަތް އާންމު ހާލަތަކަސް ގެނެވެންދެން އިލެކްޓްރޯނިކް އާލާތްތަށް ވީހާވެސް މަދުން ބޭނުންކުރުމަސް ފެނަކައިން އިލްތިމާސްކޮސްފައިވާއިރު, ކަރަންޓުގެ ބޭނުން ކުރާމިންވަރުވެސް މަދުކުރެއްވުމަށް ވަނީ އެދިފައެވެ.
މި ވަގުތުގައި ދިމާވެދާނެ ދަތިތަކަށް ފެނަކައިން ވަނީ މައާފަށް އެދިފައެވެ.
ވާނުވާ އޮންލައިން އަށް މައުލޫމާތު ލިބިފައިވާ ގޮތުގައި, ކަރަންޓުގެ މައްސަލަ ހައްލުކުރުމަށްޓަކައި, އައްޑޫ ސިޓީގެ މަގުތައް އަލިކުރުމަށް ބޭނުންކުާ ސްޓްރީޓް ލައިޓްތައްވެސް މިރޭގެ ވަކިވަގުތެއްގައި ނިއްވާލުމަށް ވަނީ ހަމަޖެހިފައެވެ. ނަމަވެސް އެ ނިއްވާލާނީ ކޮން ވަގުތެއްގައިކަމެއް އަދި ސާފެއް ނުވެއެވެ.
ފަހުގެ ތާރީހުތަކުގައި އައްޑޫ ސިޓީއަކީ އެ ސިޓީގެ މަގުތަކުގައި ގިނަ އެކްސިޑެންޓުތަކެއް ހިނގާފައިވާ ތަނެކެވެ.