މާލެ ކަސްޓޯޑިއަލްގައި ފުލުހުންގެ ބަންދުގައި ހުއްޓާ ނިޔާވި މީހާގެ ހަށިގަނޑުގެ ޕޯސްޓްމޯޓަމް ހަދައި ނިންމާލައިފި ކަމަށް ފުލުހުން ބުނެފިއެވެ. މިދިޔަ މަހުގެ 24 ވަނަ ދުވަހު ނިޔާވި މި މީހާގެ ހަށިގަނޑު ޕޯސްޓްމޯޓަމް ހެދުމަށްފަހު ރޭގެ ވަގުތެއްގައި ވަނީ މާލެ ގެނެސްފައެވެ.
ފުލުހުން މިއަދު މީޑިއާތަކަށް މައުލޫމާތު ދިން ގޮތުގައި، ނިޔާވި މީހާގެ ހަށިގަނޑު މިހާރު ވަނީ ޕޯސްޓްމޯޓަމް ހެދުމަށްފަހު އާއިލާއާ ހަވާލުކޮށްފައެވެ. ނަމަވެސް، ޕޯސްޓްމޯޓަމްގެ ނަތީޖާއާ ގުޅޭ އެއްވެސް ތަފުސީލެއް ފުލުހުން އަދި އާންމެއް ނުކުރެއެވެ.
ފުލުހުންގެ ބަންދުގައި ހުއްޓާ ނިޔާވެފައިވަނީ 45 އަހަރުގެ ދިވެހި ފިރިހެނެކެވެ. އޭނާ ފުލުހުންގެ ބަންދުގައި ހުރީ ކޯޓަށް ހާޒިރުކުރުމަށްޓަކައި ފުލުހުންގެ މައްޗަށް ކޯޓުން ކޮށްފައިވާ އަމުރަކާ ގުޅިގެންނެވެ. ފުލުހުން މީގެ ކުރިން ބުނެފައިވާ ގޮތުގައި، އޭނާ ހޮސްޕިޓަލަށް ގެންދިޔައިރުވެސް އޮތީ ނިޔާވެފައެވެ.