އެމެރިކާއާއި އިސްރާއީލުން އީރާނާ ދެކޮޅަށް ފަށާފައިވާ ހަނގުރާމައާއި ގުޅިގެން، އީރާނާއި ޗައިނާގެ ޚާރިޖީ ވަޒީރުން ފޯނުން ގުޅުއްވައި ސަރަޙައްދީ މަސްރަޙާ ގުޅޭގޮތުން މުހިންމު މަޝްވަރާތަކެއް ބާއްވައިފިއެވެ.
އަންގާރަ ދުވަހު ކުރި މި ފޯން ކޯލުގައި އީރާނުގެ ޚާރިޖީ ވަޒީރު އައްބާސް އަރަގްޗީ ވަނީ، އެމެރިކާއާއި އިސްރާއީލުގެ ޙަމަލާތަކަށް ރައްދުދިނުމުގެ ގޮތުން އީރާނުން އަޅަމުންދާ ފިޔަވަޅުތަކުގެ މަޢުލޫމާތު ޗައިނާގެ ޚާރިޖީ ވަޒީރު ވާންގް ޔީ އާ ޙިއްޞާކުރައްވާފައެވެ.