ފުލުހުން ބުނީ ރާއްޖޭގައި ރޫހާނީ ފަރުވާގެ ހިދުމަތްތަކެއް ދޭކަމަށް ބުނެ ސޯޝަލް މީޑިއާގެ ޕްލެޓްފޯމްތަކުގައި އިޝްތިހާރު ކުރަމުންދާ މައްސަލަ ފުލުހުންގެ ސަމާލުކަމަށް އައިސްފައިވާ ކަމަށެވެ.
ރާއްޖޭގައި ރޫހާނީ ފަރުވާގެ ހިދުމަތް ދޭކަމަށް ބުނެ ހިންދޫ ފާދިރީއަކު އިޝްތިހާރު ޖަހަމުންދާތީ ފުލުހުން އެ މައްސަލަ ބަލަން ފަށައިފި އެވެ.
މި އިޝްތިހާރުތައް ޖަހާފައި ވަނީ "މާސްޓާ ދުރްގާ ރާއޯ ގުރުޖީ" ނަމަކަށް ކިޔާ ހިންދޫ ފާދިރީ އެކެވެ. ފުލުހުން ބުނީ ރާއްޖޭގައި ރޫހާނީ ފަރުވާގެ ހިދުމަތްތަކެއް ދޭކަމަށް ބުނެ ސޯޝަލް މީޑިއާގެ ޕްލެޓްފޯމްތަކުގައި އިޝްތިހާރު ކުރަމުންދާ މައްސަލަ ފުލުހުންގެ ސަމާލުކަމަށް އައިސްފައިވާ ކަމަށެވެ.މި މައްސަލައާ ގުޅިގެން، ގާނޫނީ ގޮތުން އަޅަންޖެހޭ ފިޔަވަޅުތައް އެޅުމަށްޓަކައި ކުރަންޖެހޭ މަސައްކަތް ކަމާބެހޭ އިދާރާތަކާ ގުޅިގެން ކުރަމުންދާ ކަމަށް ވެސް ފުލުހުން ބުންޏެވެ.
"ދިވެހިންގެ ސަގާފަތާއި ދީނާ ހިލާފު މިފަދަ ކަންކަމުގެ މައުލޫމާތު އެކަކު އަނެއްކަކާ ހިއްސާ ކުރުމުގެ ބަދަލުގައި ވީ އެންމެ އަވަހަކަށް ކަމާބެހޭ އިދާރާތަކުގެ ސަމާލުކަމަށް ގެނެސް، ގާނޫނީ ފިޔަވަޅު އެޅުމުގެ މަސައްކަތް ކުރިއަށް ގެންދިއުމަކީ މުހިންމު ކަމެއް ކަމުގައި އަޅުގަނޑުމެން ދެކެން. އެހެންކަމުން، މިފަދަ އިޝްތިހާރެއް ފެނިވަޑައިގަންނަވައިފިނަމަ ލަސްނުކުރައްވައި ފުލުހުންނަށް އަންގަވައިދެއްވުން އެދެން،" ފުލުހުންގެ ފަރާތުން އެދިފައިވެ އެވެ.2023 ވަނަ އަހަރުގެ އޮގަސްޓު މަހުގެ ތެރޭގައި ވެސް ހިންދޫ ފާދިރީއަކު ރާއްޖެ އައިސް، ރޫހާނީ ފަރުވާގެ ހިދުމަތް ނަގައިދޭ ކަމަށް ބުނެ ކެމްޕޭނެއް ހިންގި އެވެ. އެފަހަރު ވެސް ފުލުހުން ވަނީ އެކަމަށް ހުރަސް އަޅައި އެމީހާ ހައްޔަރު ކޮށްފަ އެވެ. އަދި ރާއްޖެ ނާދެވޭނެހެން އެމީހާ ވަނީ ޑީޕޯޓްކޮށްލާފަ އެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ