"ހަވީރާ"އި ގައުމީ ޔުނިވާސިޓީ ގުޅިގެން މިދިޔަ ޑިސެމްބަރު މަހުން ފެށިގެން މިދިޔަ މަހުގެ 15 ވަނަ ދުވަހުގެ ނިޔަލަށް ކުރިއަށް ގެންދިޔަ "ހަވީރު ސްކޫލް ގައިޑް ކުއިޒް"ގެ ނަސީބުވެރިންނަށް މިއަދު އިނާމު ދީފި އެވެ.އޮންލައިންކޮށް ހުރިހާ ފަރާތްތަކަށް ވެސް ބައިވެރިވެވޭ
ގޮތަށް ކުރިއަށް ގެންދިޔަ އެ ކުއިޒްގައި އެންމެ ގިނަ ސުވާލުގެ ޖަވާބު
ރަނގަޅުކޮށްގެން އެއް ވަނަ އަށް ދިޔައީ ސާލިމާ މުހައްމަދެެވެ. އެއީ އެއް ބުރުން 59
ސިކުންތުގެ ތެރޭގައި 19 ސުވާލުގެ ޖަވާބު ރަނގަޅުކޮށްގެންނެވެ. އޭނާއަށް 10،000ރ.ގެ ފައިސާގެ އިނާމެއް ވަނީ ދީފަ އެވެ.ދެ ވަނަ ލިބުނީ އެއް ބުރުން 61
ސިކުންތުގެ ތެރޭގައި 19 ސުވާލުގެ ޖަވާބު ރަނގަޅުކޮށްގެން މަރިޔަމް މޫސާ އެވެ. އޭނާ އަށް 5000ރ. ގެ އިނާމެއް ދީފައި ވެ އެވެ.އެއް ބުރުން 62
ސިކުންތުގެ ތެރޭގައި 19 ސުވާލުގެ ޖަވާބު ރަނގަޅުކޮށްގެން ތިން ވަނަ ލިބުނު އަހުމަދު އާމިރަށް ލިބުނީ 3000ރ. އެވެ.