ރައީސުލްޖުމްހުރިއްޔާ ޑރ. މުހައްމަދު މުއިއްޒުގެ އާއިލާ އިން ނޫސްވެރިންނާ ބައްދަލުކުރަން ނިންމައިފި އެވެ.
އަދަދު ނޫހަށް އެނގިފައިވާ ގޮތުގައި ރައީސްގެ އާއިލާއިން ނޫސްވެރިންގެ ބައްދަލުވުމެއް ބާއްވަނީ އެމަނިކުފާނުގެ އަމިއްލަ ގެކޮޅު މ. ދިމްޔާތުގަ އެވެ. ނޫސްވެރިންނާ ބައްދަލުކުރަނީ ކޮން ފަރާތަކުން ކަމެއް ސާފެއް ނޫނެވެ.
ނޫސްވެރިންގެ ބައްދަލުވުން ކަވަރު ކޮށްދިނުމަށް އެދި ރައީސްގެ އާއިލާގެ ފަރާތުން މިހާރު ދަނީ ނޫސްވެރިން އަދި ނޫސްތަކަށާއި ޓީވީ ޗެނަލްތަކަށް މެސެޖުތައް ފޮނުވަމުންނެވެ. ނޫސްވެރިންގެ ބައްދަލުވުން އޮންނާނީ މެންދުރުފަހު 1:00 ގަ އެވެ.