ވިޒިޓް މޯލްޑިވްސް ކޯޕަރޭޝަންގެ ބޯޑަށް އެ ތަނުގެ ސީއޯއޯގެ މަގާމުގައި ހުންނެވި އަދި ފަތުރުވެރިކަމުގެ ދާއިރާގައި ގިނަ ތަޖުރިބާތަކެއް ހޯއްދަވާފައިވާ ސަބީހާ އަހްމަދު އައްޔަންކޮށްފި އެވެ.
ސަބީހާ އަހްމަދު ވަނީ މީގެކުރިން ޖުމޭރާ ގްރޫޕް، ފެއާމޮންޓް މޯލްޑިވްސް އަދި ކްރައުން އެންޑް ޗަމްޕާ ރިޒޯޓްސް ފަދަ ބޮޑެތި ރިސޯޓުތަކުގައި ސޭލްސް އެންޑް މާކެޓިން ދާއިރާގައި މަސައްކަތް ކުރައްވައިފަ އެވެ.
ދުނިޔޭގެ ފެންވަރުގެ އެންމެ މަގުބޫލު ފަތުރުވެރިކަމުގެ މަންޒިލެއްގެ ގޮތުގައި ރާއްޖެ ކުރިއަރަމުންދާ މި ދަނޑިވަޅުގައި، ވިޒިޓް މޯލްޑިވްސްގެ ބޯޑަށް ސަބީހާ އައްޔަންކުރުމަކީ ބޯޑަށް މާކެޓިން ދާއިރާއިން އިތުރު ތަޖުރިބާ އާއި ހުނަރުތަކެއް ގެނެސްދޭނެ ކަމެއް ކަމަށް ވިޒިޓް މޯލްޑިވްސް އިން ބުންޏެވެ.
ބޯޑުގައި ސަބީހާގެ އިތުރުން ދެން ތިއްބަވަނީ ޗެއާޕާސަން އަބްދުﷲ ގިޔާސް ރިޔާޒް އާއި ސީއީއޯ އަދި އެމްޑީ އިބްރާހިމް ޝިއުރީގެ އިތުރުން ނޮން އެގްޒެކެޓިވް ޑިރެކްޓަރުން ގޮތުގައި ތިއްބަވާ މާހާ ނަޒީރާއި އާމިނަތު ވުލާއު މުހައްމަދު ނާޒިމް އާއި އަބްދުލް ސަމީއު އިމާދު އަދި އައިޝަތު ހަމީދު އެވެ.