ރައްޔިތުންގެ މަޖިލީހުގެ ހަނިމާދޫ ދާއިރާގެ މެންބަރު ހުސައިން ޝަހުދީ ޖުމްހޫރީ ޕާޓީއަށް ސޮއި ކުރައްވައިފި އެވެ.
މެންބަރު ޝަހުދީ ޖުމްހޫރީ ޕާޓީއަށް ސޮއި ކުރެއްވީ މީގެކުޑައިރުކޮޅެއް ކުރިން ޖުމްހޫރީ ޕާޓީގެ އޮފީހުގައި އެޕާޓީގެ އިސްބޭފުޅުންނާ ބައްދަލުކުރެއްވުމަށްފަހު އެވެ.
މެންބަރު ޝަހުދީ ޖޭޕީއަށް ސޮއި ކުރެއްވުމަށްފަހު އޭނާގެ މެންބަޝިޕް ފޯމް ވަނީ ޖޭޕީގެ ރައީސް އަލީ ވަހީދާ ހަވާލުކުރައްވާފަ އެވެ.
މެންބަރު ޝަހުދީ ހަނިމާދޫ ދާއިރާގެ މެންބަރު ކަމަށް އިންތިހާބުވީ ޖުމްހޫރީ ޕާޓީގެ ޓިކެޓްގަ އެވެ. ނަމަވެސް ޝަހުދީ ފަހުން ވަނީ ޖޭޕީން ވަކިވެވަޑައިގެން ވެރިކަން ކުރާ ޕާޓީ، ޕީޕީއެމަށް ސޮއި ކުރައްވާފަ އެވެ.
ޕީޕީއެމްގައި ހުންނެވުމަށްފަހު ޝަހުދީ އެޕާޓީން ވަކިވެވަޑައިގަތީ އެންޓި ޑިފެކްޝަން ގާނޫނު އެކުލަވާލާ އެ ގާނޫނުގައި މަޖިލިސް މެންބަރުންގެ ގޮނޑި ގެއްލޭނެ ގޮތްތަކެއް ކަނޑައެޅުމާ ގުޅިގެން އެ ގާނޫނަށް އަމަލުކުރަން ފެށުމުގެ ކުރިން ރައްޔިތުންގެ މަޖިލީހުގެ ކުރީގެ ރައީސް އަބްދުﷲ މަސީހުގެ އިތުބާރު ނެތް ކަމުގެ މައްސަލާގައި ސޮއި ކުރެއްވުމަށްފަހު އެވެ.
-- ތަފްސީލް އަންނަނީ --