މިކަމުގައި، ފުލުހުންގެ ހިދުމަތުގެ މުވައްޒަފުންނާމެދު އަމަލުކުރަމުންދާ އުސޫލުތަކާއި ތަފާތު ގޮތަކަށް އަމަލު ކޮށްފައި ނުވާނެ ކަމަށް ބުންޏެވެ.
ރައީސް ޑރ. މުހައްމަދު މުއިއްޒު މިއަދު ގއ. ކަނޑުހުޅުދު އަށް ވަޑައިގެންނެވުމުނަ އެމަނިކުފާނާއި ސަލާން ކުރައްވާ އުމުރުން ތިން އަހަރުގެ ފިރިހެން ކުއްޖަކު ދިއްކޮށްލީ ނޯޓަކާއި ގުޅިގެން ކުއްޖާގެ ބައްޕަ އެރަަށަށް ގެނައުމުގައި އަމަލުކުރީ އާންމު އުސޫލުން ތަފާތު ކުރުމެއް ނެތި ކަމަށް ފުލުހުން ބުނެފި އެވެ.
ރައީސަށް ނޯޓެއް ދިއްކޮށްލީ ކަނޑުހުޅުދޫއަށް ނިސްބަތްވާ އާޔަލް ބިން އަލީ ސައީދު އެވެ. އެ ނޯޓުކޮޅުގައި ލިޔެފައި އޮތީ "އައި މިސް މައި ޑެޑީ" އެވެ.އެ ނޯޓްކޮޅު ކިޔުއްވުމަށް ފަހު ރައީސް ވަނީ ކުއްޖާގެ ބައްޕަ ކޮބައިތޯ ސުވާލު ކުރައްވާފަ އެވެ. އެއީ ފުލުހުކެވެ. އޭނާ ވަޒީފާ އަދާކުރަނީ ފަރެސްމާތޮޑާ ޕޮލިސް ސްޓޭޝަންގައި އެވެ.ރައީސް ވަނީ އެ ފުލުސް މީހާ އެ ރަަށަށް ގެނެވޭނެ އިންތިޒާމެއް ހަމަޖެއްސުމަށް އެދިވަޑައިގެންފަ އެވެ. އެއާއެކު ރައީސް އެ ރަށުން ވަޑައިގަތުމުގެ ކުރީން ފުލުހުން މީހާ ވަނީ އެ ރަަށަށް ގެނެސްފަ އެވެ.ފުލުހުން ބުނީ އެކަން ހިނގާފައިވާ ގޮތަކީ، ތުއްތު ކުއްޖާ، ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ އަތްޕުޅަށް ދިން ގަނޑުކޮޅެއްގައި އެކުއްޖާ ބައްޕަ މަތިން ހަނދާން ވާކަމަށް ލިޔެފައިވުމާއި، އެ ކުއްޖާ އަށް އެއް އަހަރުން ފެށިގެން ބައްޕަ އުޅެނީ ރަށުން ބޭރުގައި ކަމަށް ވުމުން، ރައީސް ބޭނުންފުޅުވީ ރައީސް އެ ރަށުން ފުރާވަޑައިގަތުމުގެ ކުރިން ވާންއޮތްކަމެއްނަމަ ބައްޕަ އާއި ކުއްޖާއާ އެކު ބައްދަލުވާނެ ފުރުސަތު އޮތްތޯ ބެއްލެވުމަށް ކަމަށެވެ."އެގޮތުން ތުއްތު ކުއްޖާގެ ބައްޕަ ހުރީ ކައިރި ރަށެއްގެ ޕޮލިސް ސްޓޭޝަނެއްގައިކަމުން އެވަގުތަށް އެކަން މި މުއައްސަސާއިން ވަނީ ހަމަޖައްސައިދީފައި،" މިކަމުގައި، ފުލުހުންގެ ހިދުމަތުގެ މުވައްޒަފުންނާމެދު އަމަލުކުރަމުންދާ އުސޫލުތަކާއި ތަފާތު ގޮތަކަށް އަމަލު ކޮށްފައި ނުވާނެ ކަމަށް ބުންޏެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ