ވެރިކަމަށް އާދެވިއްޖެ ނަމަ އެއްވެސް މީހެއްގެ މައްޗަށް ސިޔާސީ ދައުވާއެއް ނުކުރާނެ ކަމަށް އަމިއްލަ ގޮތުން ރިޔާސީ އިންތިހާބުގައި ވާދަކުރައްވާ އުމަރު ނަސީރު ވިދާޅުވެއްޖެ އެވެ.
އުމަރު މިހެން ވިދާޅުވީ، ސަންގު ޓީވީން އިންތިޒާމްކޮށްގެން ކުރިއަށްގެންދާ ކެނޑިޑޭޓުންގެ ބަހުސް "ސަންގު ބަހުސް" ގައި، ކޮންމެ ވެރިކަމެއްވެސް ނިމުމާއެކު އެވެރިއެއްގެ މައްސަލަތައް ބަލައި ތަހުގީގުކޮށް ކުރީގެ ރައީސުން ޖަލަށް ލަމުންދާ ސަގާފަތު ތަކުރާރުކޮށް، ރައީސް ސޯލިހުގެ މައްސަލައެއް ބަލައި ޖަލު ހުކުމެއް އިއްވާ ވެރިއަކަށް ވެދާނެތޯ ބަހުސްގައި ކުރި ސުވާލަށް ޖަވާބު ދެއްވަމުންނެވެ.
އެގޮތުން އުމަރު ވިދާޅުވީ، އެއްވެސް މީހެއްގެ މައްޗަށް ސިޔާސީ ދައުވާއެއްކޮށް، އެ ރުޅިވެރިކަން އުފެއްދުމުގެ ނިޔަތެއް ނެތްކަމަށާއި އެކަމަކު ކުރި ކުށެއްގެ މައްޗަށް އަދަބު ލިބެންޖެހޭކަމަށް އުމަރު ވިދާޅުވިއެވެ.
އުމަރު ވިދާޅުވީ މިވީ 18 އަހަރުގެ ދަތުރުގައި ވަރަށް ގިނަ ކަންކަން ހިނގައި، އެތައް ބައެއްގެ އަހުލާގު ގެއްލިފައިވާ ކަމަށެވެ. ސިޔާސީ މައިދާނާއި އެކު، ހަމަނުޖެހުންތައް ބޮޑުވެ ކޮރަޕްޝަންތައް ވީ އިތުރުކަމަށް ވެސް އުމަރު ވިދާޅުވި އެވެ.
އެހެންކަމުން ރައީސް ސޯލިހުގެ މައްޗަށް ތުހުމަތަށް ސާބިތުވާނަމަ، އެކަމުގެ އަދަބު ލިބެން ޖެހޭކަމަށާއި، އެކަމަކު ސިޔާސީ ދައުވާއެއް އޮވެގެން ނުވާނެކަމަށް އުމަރު ވިދާޅުވި އެވެ.
Your email address will not be published. Required fields are marked *
Comment *
Name
Email
Website
© 2023 Gaafu Media Group Pvt Ltd. All rights reserved.