ރޭ ދަންވަރު އަލިފާން ރޯވެ، އަނދައި އަޑިއަށް ދިޔަ 'ހޮޅުދޫ ބޯޓު'ން ގެއްލުނު މާވަށު އަލީ މުޝްފިގު،25، ހޯދަން ކަނޑު މަގުންނާއި ވައިގެ މަގުން ބޮޑު ސަރަހައްދެއް ބަލައިފި އެވެ.
ވީ ކިހިނެއް؟ - 'ހޮޅުދޫ ބޯޓު'ގައި ރޯވީ ތ. ހިރިލަންދޫން ފުރައިގެން މާލެ ދަތުރުކުރަމުން ދަނިކޮށް ރޭ 9:07 ހާއިރު އެވެ.
އެމްއެންޑީއެފުން މިއަދު މީޑިއާތަކަށް ފޮނުވި މެސެޖެއްގައި ބުނީ 'ހޮޅުދޫ ބޯޓު' ދަންވަރު 2:07 އެހާކަންހާއިރު އެ ސަރަހައްދަށް އަޑިއަށް ގޮސްފައިވާ ކަމަށެވެ.
އޭރު ބޯޓުން ދަތުރުކުރަމުން ދިޔަ 11 ދިވެހިންނާއި ހަތް ބިދޭސީންގެ ތެރެއިން ގެއްލުނީ މުޝްފިގު އެކަންޏެވެ.
ތަފްސީލު - މުޝްފިގު ގެއްލުމާ އެކު އެމްއެންޑީއެފް ކޯސްޓުގާޑުން ފެށި ސާޗު އޮޕަރޭޝަންގެ އެންމެ ފަހުގެ މައުލޫމާތު މިރޭ ވަނީ ހިއްސާކޮށްފަ އެވެ.
އެމްއެންޑިއެފްއިން ބުނި ގޮތުގައި މުޝްފިގު ހޯދަން:
ސާފަސް ސާޗުގެ ގޮތުގައި 53.04 ސްކޮޔާ ނޯޓިކަލް މޭލު ވަނީ ބަލާފައި
ޑައިވްކޮށްގެން 64،240 އަކަމީޓަރު ވަނީ ބަލާފައި
ވައިގެ މަގުން 1545 ސްކޮޔާ މޭލު (4،000 އަކަމީޓަރު) ވަނީ ބަލާފައި
އެ މަސައްކަތް އަދި ކާމިޔާބު ނުވި ނަމަވެސް އެމްއެންޑީއެފްއިން ބުނީ މުޝްފިގު ހޯދުމުގެ މަސައްކަތުގައި ކަނޑާއި ވައިގެމަގުން އަދ ިޑައިވަރުން ވެސް ކުރަމުން އަންނަ ކަމަށެވެ.