އައްޑޫސިޓީ ގައި އަލަށް ހަދާފައިވާ ހަންކެޑެ ބްރިޖު އާއްމު ދަތުރު ފަތުރަށް ހުޅުވާލުމަށް ހަމަޖެހިފައިވާތީ ބުރިޖާއި އަދި ބުރިޖާއި ގުޅިފައިވާ މަގުތަކުގެ ޓްރެފިކް ފްލޯއަށް ގެންނަންޖެހޭ ބަދަލު އައްޑޫ ސިޓީ ކައުންސިލުން ފާސްކޮށްފިއެވެ.
ކައުންސިލުން ކޮށްފައިވާ އިއުލާނެއްގައި ބުނެފައި ވަނީ ގެޒެޓް ކޮށްފައިވާ ޗާރޓާއި އެއްގޮތަށް މަރަދޫގެ ހިޔާ ފަންނު މަގު، ވައިފަހި މަގު އަދި ޖަމާލީ ގޯޅި ވަންވޭއަކަށް ހެދުމަށް ވަނީ ނިންމާފައެވެ.
އޭގެ އިތުރުން ދަންވަރު އެކެއްގެ ފަހުން ފޭދޫ އޯކިޑް މަގާއި މަރަދޫފޭދޫ ލިލީ މަގާއި އަދި މަރަދޫ އޯކިޑް މަގުގައި (ބޮޑުމަގުގައި) ދާއިމީ ގޮތެއްގައި ޕާރކް ކުރުން މަނާކުރުމަށް ވެސް ސިޓީ ކައުންސިލުން ވަނީ ނިންމާފައެވެ.
ހަންކެޑެ ބްރިޖު އާއްމު ދަތުރު ފަތުރަށް ހުޅުވާލުމަށް ހަމަޖެހިފައިވަނީ މާދަމާ އެވެ.