ސިޙުރު ނުވަތަ އެސްފީނާ ޖެހުމުން ފެންނާނެ ޢަލާމާތްތަކާއިބެހޭ ގޮތުން ގިނަ ބައަކު ސުވާލުކުރާތީ ބުނެލަމެވެ.  
ސިޙުރާ އެސްފީނާ ޖެހުމުން ފެނުން ގާތް ބައެއް ޢަލާމާތްތަކުގެތެރޭގައި:
--ކުދިކުދިކަންތަކަށް، ކުލިއަކަށް ރިއާދެވުން،
--ކުދިކުދި ކަންތަކަށްވެސް ހިތްދަތިވެ ކަންބޮޑުވުން،
--ނިދަން އުޅުމުން ނޭވާހާސްވުމާ ނިދީގަ އަނދިރި، ބިރުވެރި ހުވަފެން ފެނުން ގިނަވުން،
--ވިހަގަަދ ހަރުފަ، ކަޅުވެން ފަދަ ތަކެތި ހުވަފެނުގަ ފެނުން
--އެކަނި ގިނަ ވަޤުތު ހުންނަން ބޭނުންވުން،
--ޑޮކްޓަރުންނަށް ސަބަބު ނުއެނގޭ ތަދުތައް ހަށިގަނޑުގަ ހުންނަން ފެށުން،
--ކުރަން މަސައްކަތްކުރާ ކަންކަމުގަ ފޭލްވުން ގިނަވުން،
--ދެރަ ގޮތްތައް ގިނަގިނައިން މެދުވެރިވުން،
--ހެޔޮލަފާ ތަޤްވާވެރި މީހުންނާއި ދުރުހެލިވެވެން ފެށުން
--އަޅުކަންކުރުމަށް ކަންނެތްވެ ދުރުހެލިވެވެން ފެށުން 
މިހުރިހާ ކަމެއް އެކުގައި ނުފެނިދާނެއެވެ. މިއިން ކަމެއް ނުވަތަ މިފަދަ ކަންކަން ފެންނަނަމަ ﷲ ތަޢާލާގެ ޙަޟްރަތުން ވާގިއެދޭށެވެ. ކީރިތި ޤުރްއާނާއި ގުޅުން ބަދަހިކުރާށެވެ. ސިހުރާއި އެސްފީނާއިން ސަލާމަތްވާން ކިޔަވަންހުރި ސޫރަތްތަކާއި އާޔަތްތަކާއި ޛިކުރުތައް ކިޔަވާށެވެ. ޙައްލު ނުލިބި ގިނަދުވަސްވާނަމަ ތަޖުރިބާހުރި، ހެޔޮލަފާ މީހަކު ލައްވައި ރުޤްޔާކުރާށެވެ.
 
- އިސްލާމީ ތިލަފަތުގެ ދަރުސަކުން