ހުޅުމާލޭގައި ބޮޑު ކަންނެލި ޕްރޮސެސްކުރާ ކާރުޚާނާއެއް އަޅަން ތައްޔާރުވަމުން އަންނަ ކަމަށާއި، އަމާޒަކީ މި އަހަރު އެ ތަނުން ޚިދުމަތް ދޭން ފެށުން ކަމަށް ފިޝަރީސް މިނިސްޓަރު އަހުމަދު ޝިޔާމް މިއަދު ވިދާޅުވެއްޖެއެވެ. މިއަދު ބޭއްވި ނޫސްވެރިންގެ ބައްދަލުވުމުގައި ޝިޔާމް ވިދާޅުވީ، ބޮޑު ކަންނެލި މަސްވެރިންގެ ހުރި ޑިމާންޑުތަކަށް ހައްލެއް ލިބޭނީ ހުޅުމާލޭގައި ބޮޑު ކަންނެލި ގަނެ، ޕްރޮސެސް ކުރެވޭނެ އިންތިޒާމެއް ހަމަޖެހުމުން ކަމަށެވެ. މިގޮތުން، ހުޅުމާލެއިން ލިބިފައި އޮތް ޕްލޮޓެއްގައި ބޮޑު ކަންނެލި ޕްރޮސެސް ކުރާނެ ކާރުޚާނާއެއް ގާއިމުކުރުމުގެ މަސައްކަތްތައް ކުރަމުން އަންނަ ކަމަށް މިނިސްޓަރު ވަނީ ވިދާޅުވެފައެވެ. ފިޝަރީސް މިނިސްޓަރު އަހުމަދު ޝިޔާމް މިއަދުގެ ނޫސްވެރިންގެ ބައްދަލުވުމުގައި ---- ފޮޓޯ/ ރައީސް އޮފީސް ލަސްތަކެއްނުވެ، އެ މަޝްރޫއު އިރާދަކުރެއްވިއްޔާ ފެށި، އަޅުގަނޑުމެންގެ އަމާޒަކީ މި އަހަރުގެ ތެރޭގައި ބޮޑު ކަންނެލި މަސްވެރިންނަށް އެތަނުން ޚިދުމަތް ލިބިގެން ދިޔުން، ފިޝަރީސް މިނިސްޓަރު އަހުމަދު ޝިޔާމް މިނިސްޓަރު އެފަދައިން ވިދާޅުވިއިރު، ސަރުކާރުން ބޮޑު ކަންނެލި މަސްވެރިންނަށްވީ ވައުދުތައް ފުއްދުމުގައި ނަތީޖާ ނުފެންނަ ކަމަށް ބުނެ، ނިމުނު ޑިސެންބަރު 10 ގައި އިހުތިޖާޖު ވެސް ކުރިއެވެ. އޭރު، މާލެއަށް ވަންނަ ނެރު ކައިރީ މަސްވެރިން ކުރި އިހުތިޖާޖުގައި ކެންދޫ ދާއިރާގެ މެންބަރު މަޢުރޫފް ޒާކިރު ހިމެނޭހެން ނުވަ މީހަކު ހައްޔަރު ވެސް ކުރިއެވެ. https://sun.mv/216974 އޭރު ބޮޑުކަންނެލި މަސްވެރިން އެދެމުން ދިޔައީ، ސަރުކާރުގެ މަސްކުންފުނި މިފްކޯއަށް ބޮޑު ކަންނެލި ގަންނަން ފެށުމަށާއި، ކަންނެލި ގަނެވޭނެ އެންމެ ދަށް އަގަކީ 80 ރުފިޔާ އަދި 100 ރުފިޔާ ކަމަށް ހެދުމަށާއި، މަސްވެރިންނަށް ބޭސް ރޭޓުގައި ތެޔޮ ފޯރުކޮށްދިނުމަށާއި، ފަސޭހައިން އައިސް ލިބޭނޭ އިންތިޒާމު ހަމަޖެއްސުމަށެވެ. އޭގެ ދުވަސްތަކެއް ފަހުން، މިފްކޯއިން ބަލަހައްޓާ ކަނޑުއޮތްގިރިއަށް ބޮޑު ކަންނެލި ކިލޯއެއް 25 ރުފިޔާއަށް ގަންނަން ފެށީ، މިދިޔަ ޖަނަވަރީ ދިހައެއްގައެވެ. އޭގެ ފަހުން، އެ މަހުގެ 20 ވަނަ ދުވަހު ވަނީ، ދިހަ ކިލޯއާއި 15 ކިލޯއާ ދެމެދުގެ ކަންނެލި 20 ރުފިޔާއަށް ސަރުކާރުގެ މަސް ކުންފުނި، މިފްކޯއަށް ގަންނަން ފަށާފައެވެ.